About Us

About Us

Hello Doston! Mera naam Nikhil hai. main ek full time Blogger aur Digital Entrepreneur hoon.

Humare paas alag-alag niche par 5+ blogs hain. Iske alava, humare paas 2 Ecom stores aur 1 POD store hai.

Yahi karan hai ki hum bahut sare web hostings, kayi tarah ke tools aur softwares ka upyog karte rahte hain. 

Isliye hum aasani se humare experience ki wajah se aapko best tools aur softwares ko recommend kar sakte hain.

Main logon ko apne blogs, ecom stores se full-time income banane mein madad karta hoon.

Humare blogging community ka mere upar pehle se bahut bada upkar raha hai.  Jab mai ye sab kuch sikh raha tha, tab maine bahut sare alag alag Niche ke blogs ko follow kiya tha, unke dikhaye gaye rasto par ja raha tha, har baar to success nahi milti. Par ek lesson jaroor milta hai.

Aise hee bahut sare positive lessons ke sath maine bhi apne blogs ko banaya , apne online stores chalu kiye. 

To ab meri bari hai apne blogging community ko wapis karne ka. 

Mere iss blog ko follow karke 2-3 log bhi agar kuch sikh gaye aur paisa kama saken, to wo mere liye bahut badi baat hogi.

Yadi aap ek best blog build karke, usse acche khase paise kamana sikhana chahte hain, to mere iss blog ko jaroor follow Karen. Kyunki maine mera pura experience iss blog me daal diya hai, aur uska aapko fayda hee hoga.

Aapko ek baat pehle hee bol deta hu, Ye blog aapke liye nahi hai agar:

  1. Aap kisi Quick hacks ya tricks, short cut se paise kamana chahte hai.

Yadi aap apne blog ko grow karne ke liye “hacks ya tricks” ki talash kar rahe hain, ya yadi aap apne blog par hard work nahi kar sakte, to main aapki madad nahi kar sakta.

Mujhe marketing ke quick hacks ya loopholes pata nahi hai.

Mera manana hai ki hard but smart work, consistency, motivation hee hai jo aapko successful bana sakte hai.

  1. Aap kam samay mein jyada paise kamana chahte hain

Kisi bhi business ko start karna mushkil hota hai aur usme results aane mein thoda samay bhi lagta hai.

Yadi aap kam samay mein jyada paise kamane ke liye kuch hacks ya tips ki talash kar rahe hain, to aapko mujhe follow nahi karna chahiye.

Main students aur clinets ko ek sustainable business banane mein madad karta hoon.

Ek sustainable business mein samay aur mehnat lagti hee hai.

Yadi aap abhi padh rahe hain, to yaha aap mere iss blog se kya ummeed kar sakte hain:

Aap yaha sikhenge ki aapke blog ko kaise ek traffic machine banana hai, uski madad se aap sote samay bhee kaise paise kama saken.

Main logon ko sikhata hoon ki apne blog ko kaise grow kiya jaye aur blog ko six-figure ke business mein kaise badal diya jaye.

Maine unn sabhi methods ko pehle khud aazmaya hai, usme mujhe kamyabi aayi hai. tab jake mai dusre logon ko uske bare me batata hu.

Yadi aap mere blog ko follow karte hain, to aap sikhenge ki:

  • Autopilot mode me daily bahut sare subscribers ko capture karna.
  • Apne blog ko ek traffic machine mein badal dena, jisme har monthly  thousands mein visitors milte hain.
  • Apne blog se full-time income chalu karna.
  • High quality content ko banana.
  • High quality courses ko tayyar karna aur usse online bechna, taki aapko extra income ho sake.

Ab aap sochenge ki iss sab ki main aapse kya kimat lunga?

To ye sab puri tarah se free hai.

Main iss blog par apne content ka 98% free deta hoon.

Main har baar acchi se acchi salah dene ka prayas karta hoon jisase aapko sabse acche results mil sake.

Yadi aap mere salah ka palan karte hain, to aap aaj se apna blog grow kar payenge.

Lekin ha, iske liye mere upar par barosa karna ya nahi karna ye to puri tarah se aap par hee hai.

Aap mujhe inn social media sites par bhi follow kar sakte hai.

Thanks.


Facebook


Twitter


Instagram


Linkedin


Telegram