Apne Blog ke SEO strategy me Off-Page SEO important role play karta hai.
Yadi aap apne site ko google par rank karana chahate hain aur 2022 mein apne brand ki visibility aur organic search traffic ko badhana chahte hain, to aapko apne site se bahar jakar kaam karne ki avashyakta hai.
Iska matlab hai aapko apne blog ka off-page seo karna hoga.
Iss guide mein, hum dekhne wale hai apne blog ka off-page seo kaise kare? off-page seo kya hai? off-page seo ki jaroorat kyun hoti hai?
Aur off-page seo karne ke kuch methods dekhne wale hai jinki madad se aap apne blog ka bade aaram se off-page seo kar sakenge.
Off-Page SEO kya hai?
Off-Page SEO, sankshep mein bataye to, wo sabhi SEO tactics/methods jo aapke apni website ke bahar kaam karte hain.
Aksar ye mana jata hai ki isme keval link building aata hai, lekin vastav me aise kayi off-page seo methods hai jinki madad se aap apne site ko rank kara sakte hai, aur apne competitors se ek step aage rah sakte hai.
Kuch aur methods Jaise ki, brand building, citation building, content marketing, social media, aur bahut kuch aise methods hai jinko aap apne Blog ka SEO karne me istemal kar sakte hai.
Off-page seo ke bare aur simple karke bolu to, isme aise methods shamil hote hai, jinme aapko apne site ke andar kuch changes karna nahi hai, aur na hee apne site me kuch content publish karna pdta hai.
Iske signal aapke site ki authority darshane ke liye search engines aur users dono ki madad karte hain.
Iske bare mein iss tarah se soche:
- Aapki Website= On-Page SEO
- Dusre ki website ya Platforms = Off-Page SEO
Agar aapko google me rank karna hai to, aapko apne Blog ka ON-Page SEO aur Off-Page SEO karne ke sath-sath apne blog ka Technical SEO bhi karna hoga.
Yaha inn tino ke bare difference bataya gaya hai, jiski madad se aapko ye tino terms acche se samajh aa jayenge.
On-Page SEO Vs Off-Page SEO Vs Technical SEO
On-Page SEO: Isme ve sabhi methods shamil hai jo, aapke content ke bare me samjhne ke liye aur usse rank karne me Search Engines ki madad karte hai.
Apne site par best content banana, title tag, meta tag aur H tags ko optimize karna, Internal linking, images optimization, baki kuch aur methods. Ye sabhi On-page seo me shamil hai.
Off-Page SEO: Isme ve sabhi methods shamil hain jo aapke khud ki website ke bahar karne pdte hai.
Link building ko aksar mukhy off-page method mana jata hai, lekin isme content marketing, social media, apne podcast par blog ko advertise karna, landing reviews, local citation ko banana, aur bahut kuch shamil hain.
Technical SEO: Isme ve methods shamil hai, jiska siddha asar aapke site ke search engines indexing aur crawling par pdta hai.
Kuch logo ka ye tark hai ki Technical SEO On-page SEO ke antargat aata hai.
Isme kuch methods hai jaise: Site Speed Optimization, structured data, canonicalization, hreflang aur bahut kuch shamil hai.
Aapko Off-Page SEO ki avashyakta Kyun Hai?
Off-Page SEO ke bina, aap competitive search terms par rank karne ke liye aapko bahut struggle karna padega.
Apne site ke Authority Building ke roop mein Off-Page SEO ke bare mein soche, aur iske bina, aapki site un logo se aage nahi nikal payegi jinke paas pahle se hee high authority hain.
Aur aam taur par aisa dekhne ko milta hai ki, high authority websites ka content low authority website ke content se humesha aage hee rahta hai.
Iske baad aapko thoda bahut to samjh aa gaya hoga ki Off-page SEO kyu jaroori hai. Iske madad se aap apni site ki authority ko badha sakte hai, aur apne brand ko build kar sakte hai.
Apne site ko rank karne ke liye authority site ke links bahut jyada madad karte hai. Google ke top 3 ranking factors me se ek Links hai. to link building important hai.
Lekin aap keval Link building par dhyan kendrit kare ye aapki ek galti ho sakti hai.
Kayi tarah ke baki Off-page SEO techniques aur methods bhi hain, jinka aapko upyog karna chahiye.
Ye aapko blog ke SEO me success dene me bahut madad karenge aur apne ek brand ko build karne me bhi aapki madad karenge.
Blog ka Off-Page SEO kaise kare: 9 Off-page SEO Methods
Chaliye ek nazar dalte hai 9 Off-Page SEO Methods par jinka upyog aap 2022 mein apne brand aur Organic Search Traffic ko badhane ke liye kar sakte hain:
Method 1: Link Building
Link building kisi bhi Off-Page SEO strategy ka backbone mana jata hai, iski madad se aap baki websites se links jodte hai aur apne site ki authority ko search engines par darshate hai.
Lekin pehle ye samjhna important hai ki link building kaise karna hai, jo aapke site ki authority ko badhdne me aapki madad karta hai.
Off-Page SEO ke pramukh lakshyo mein se ek hai, aapke site ki authority build karna.
Baki Authority website ke links aapke site ko ek Authority site ke roop me lane mein madad karte hain – ye ek site se dusri site par vishvas ka ek vote mana jata hain.
Link building ka pehla lakshy Authority sites se Quality links prapt karna hona chahiye. aapko hamesha quantity se adhik quality par dhyan dena chahiye.
Apki site aur competitor ki sites me kya link gap hai, Ye samajhna important hai.
Yaha 3 Primary Factors diye gaye hain jinhe aapko link building karte samay vichar karna chahiye:
Authority
Ummeed hai, abtak aap samajh gaye hain ki Link Authority itna important kyun hai.
Aapko kisi website se link lena ho, ya kisi website se aapke site par link point kiya gaya hai, matlab backlink diya gaya ho.
Aur aapko uss websites ke Authority score ko dekhna hai, to aap kisi bhi acche SEO Tool Jaise SEMRush ki madad se dekh sakte hai.
Lekin vastav mein Authority Score kya hota hai, aur isme konse factors aate hai?
Authority Score site ke domain ka ek compound score hai jo ek uss website ki overall quality ko darshata hai aur aapko batata hai ki, uss site ka backlink aapke liye kitna faydemand ho sakta hai.
SEMRush me Authority score inn factors par aadharit hota hai:
- Domains ki Quantity aur Backlinks ki quality(authority).
- Referring Domains ki sankhya aur Referring IPs ki sankhya.
- Follow Links Vs NoFollow Links.
- Organic Search Traffic.
- Users ki Sankhya.
Backlinks aur Authority score ko dekhne ke liye SEMRush (7-days free Trail) bahut accha SEO Tool hai.
Semrush ke ‘Backlinks’ Tab me aap site ke links aur authority score ko dekh sakte hai. score jitna adhik hoga, links ki authority utni hee adhik hogi.
Unique Domains
Link building me safalta pane ke liye ek aur important factor hai, aapke site ko link karne wale domains ki sankhya.
Aapke paas jitney adhik linking domains ki sankhya hogi, utna adhik chance hota hai aapke ranking ka.
Alag-alag domains se apne site ko link karna iss baat par aapka focus hona chahiye, matlab 1 domain se 10 links lene ke bajay, 10 domains se 1 link bhi mil jaye iss par focus karna hai.
Aap kisi bhi SEO tool me aapke site par link kiye gaye unique domains ki sankhya dekh sakte hai.
Topical Relevance
Aapko hamesha un sites se link karna chahiye, jinke site topics aapke site ke topics se milte julte hai.
Udaharan ke liye, yadi aap ek food blog chalate hain, to aapko aise links ko lakshy banana chahiye jo baki food sites se aate hain; food bloggers, online publishers, food websites aur baki food se jude sites.
Sites aam taur par un logo se judte hain jo ek saman vishay ko cover karte hain, na ki ve jo sambandhit nahi hote hain.
Method 2: Content Marketing
Jab ham content marketing ke bare mein sochate hain, to ye keval ek on-page seo ke roop mein sochte hai, jisme aapke site par content banana aur publish karna aata hai.
Lekin, ek holistic view se dekhe to content marketing me on-page seo aur off-page seo dono tarah ki rananeeti bana sakte hai.
Apne site par koi bhi accha content publish karna content marketing ka keval ek hissa hai; internet par aapke dvara banaya gaya koi bhi content, content marketing ke antargat aata hai.
Yadi aap ek guest post likhte hain, to ye bhi content marketing me aata hai.
Yadi aap ek infographic publish karte hai, jispar aapko top sites se links milte hai to ye bhi content marketing hai.
Agar aapko content marketing ke tactics ko istemal karna hai, to aapko ek high-quality, engaging content banana hoga, jispar off-page ke sabhi factors aasani se apply ho sake.
High-quality content hone ki wajah se log aapke content ko jyada se jyada share karte hai, aur baki sites bhi aapke content se link karte hai, iss tarah ek best content ki wajah se aapka off-page seo ho jata hai.
Content marketing ke kuch common tactics hai, jo aap apne content me shamil kar sakte hai aur jinki madad se aap apne content ke liye off-page signals bana sakte hain:
- Blog Post
- Infographics
- Surveys, studies
- E-books
Content Marketing, ek rananeeti ke roop mein, link building, social media aur PR ke sath ghanishth roop se juda hua hai, aur saath me aapke brand ko banane mein bhi madad karta hai.
Ye kafi simple hai, agar aapke paas ek great content, to iske baare mein logo ko batana hai bas.
Method 3: PR
Lambe samay tak, PR aur SEO ko do bilkul alag marketing vishayo ke roop mein dekha gaya tha, lekin haal ke kuch varsho mein, inke difference khatam ho rahe hai, aur dono ek saath aaye hain.
Digital PR ab kayi SEOs ke liye ek best link building technique ho gayi hai, aur ye dekhate huye ki samajh aata hai ki, ye ek best tarika ho sakta hai aapke site par badi sankhya me authority link pane me.
Vastav mein, ek adhyayan ne iss baat par prakash dala hai ki, ek average campaign se 10-25 unique linking domains ke links apne site par la sakte hai.
PR ke link banane mein madad karne ki tulana mein Off-page SEO Signals ko praprt karne me jyada madad karta hai.
Ek Accha PR Campaign aapko iss tarah ki madad kar sakta hai:
- Brand Awareness aur Brand Searches ko badhane me madad karta hai.
- Aapke business ko apne targeted audience ke samane rakhata hai aur unko aapke bare mein jankari deta hai.
- Referral Traffic ko chalata hai.
- Aapko apne industry mein ek leader ke roop mein dikhata hai aur trust signals ko banane mein madad karta hai.
Method 4: Social Media
Ye 2022 hai, aur ham ek social-first duniya mein rahte hain. vastav mein, 97% digital consumers social media ka upyog karte hai.
Ham jis tarah se, consumer ke roop mein, internet ka upyog karte hai aur hamare savalo ke javab ki khoj karte hai, usme social media ek badi bhumika nibhata hai.
Iske bare mein alag tarah se soche, to social media platforms ka upyog hum ek prakar ke search engines ki tarah karte hai ya koi answer engine ke tarah.
Aur ek baat spasht kar du – Social Sharing ek direct ranking factor nahi hain.
Aap social media platforms ko search engine aur search platform ke roop mein samajhe aur aapka social presence aapko targeted clients ya customers ke rakhta hai.
Jo apne savalo ke javab ki talash mein hain ya social networks par sahi brands ke saath judne ke liye tayyar hai.
Social media ka upyog aksar Customer service platform ke roop mein bhi kiya jata hai.
Agar kisi client ya customer ko aapke brand ke sath judna hai, to ve jyada tar aapko social platforms par aapse milte hai, baat karte hai.
Isliye ye mahatvapurn hai ki aap social platforms par ek strong presence banaye rakhe, professionally bate kare, aur apne social platforms ko apna ek dusra brand channel ki treat kare.
Method 5: Forums
Yaha Off-page SEO methods me Forums ko dekhkar shayad aap surprised ho sakte hain. kyun?
Kyunki kayi salo se, SEO ne forums, comments aur any UGC platforms se link (isme acche quality-links nahi banaye jate) banane ke tarike ko spam mana gaya hai.
Iss karan se, kayi logo ka dhyan puri tarah se Forums se hat gaya hai.
Lekin phir se ek baat par gaur kare, Off-page SEO sirf link banane ki tulana mein kayi adhik kaam karta hai.
Agar ek vyapak rananeeti banaye, to forums aapke content marketing mein vastavik mulya jod sakte hain.
Forums ka upyog sirf link banane ke roop mein na dekhkar, ek alag mindset ke sath chalte hain.
Apni experties se sambandhit conversaions mein sidhe shamil hone ke liye niche se jude forums ka upyog kare, iss tarah ke forums par aap apne topics me ek expert ban sakte hai.
Bahut kam aise platforms hai jo aapko targeted customers ke sath sidhe charcha karne ka avsar dete hain aur ye unse relationship aur trust banane ka ek shandar tarika hai.
Thode prayas aur commitment ke sath, aap forums par audience ki ek strong community bana sakte hai aur trust badha sakte hai.
Reddit aur Quora pramukh large-scale platforms hain, lekin aapke niche se jude forums bhi utne hee prabhavi ho sakte hain.
Aajkal forums ki lokpriyata mein giravat aayi hai, isliye ye ek bahut achha mauka hai ki aapke competitors bhi vaha nahi honge, aur agar aapne waha apni jagah banayi to aapke liye aage jakar bahut accha hone wala hai.
Method 6: Influencer Marketing
Influencer marketing ke 2020 mein kayi alag-alag forms mein aate hai. kuch saal pehle ki baat kare to iska sabse popular tactics tha Bloggers ke Sponsored Posts.
Par aaj, Influencer marketing me Instagram, youtube aur tiktok ye sab naye forms aaye hai.
Links banane ke liye influencer marketing ka upyog kabhi bhi na kare jab tak ki ve nofollow link ho; sponsored content ke bhitar link banana matlab google ke webmaster guidelines ka ullanghan hain.
Influencer Marketing aapke brand ko banane ke liye, apne content ko promote karne me aur naye audience tak pahuchane ka ek shanadar tarika ho sakta hai.
Hamane pahale hee dekha hai ki social networks apne aap mein search engine Jaise kaam karte hain.
Jabaki ve google ki tulana mein ek alag tarike se upyog kiye jate hain, wo ek aisa search engine ka roop hain jaha users actively content khojte rehte hain.
Inn platforms par, ek brand/business ke roop mein, aapko grow karne me Influencer marketing kafi jyada madad kar sakta hai.
Method 7: Events
Events marketing strategies ke bheetar vapasi kar rahe hain aur vishwas kare ya na kare; par ye aapke Off-page SEO strategy mein yogdan karne mein kafi madad kar sakte hain.
Ab pahale se kayi adhik, webinars jaise online events ki sankhya badhti ja rahi hai, aur ve aapke brand ko banaane mein madad karne ke liye ek lamba rasta tay kar sakte hain.
Ve na keval aapke audience ko engage karne mein madad kar sakte hain, balki aapko apne business ke aaspaas ek vastavik charcha se bhi labh hoga, jo social engagement aur yaha tak ki link bhi chalayega.
Meetup.com ke madhyam se apne events ko host kare, ye local niche ke meet up events ke liye ek aur search engine ka kaam karta hai.
Method 8: Guest Posting
Guest posting, ye jab sahi tarike se kiya jata hai, to aapke marketing rananeeti mein kayi adhik yogdan de sakata hai, jiska upyog link banane ke liye kiya ja raha hai.
Isme kisi aur ki website ke liye guest ke roop mein likhna pdta hai aur unke audience ko mooly aur jankari pradan karni padti hai.
Agar aap guest posting thik se karte hai, to ye aapko apne brand ko targeted audience ke samne rakhne mein madad kar sakta hai.
Iski madad se aap targeted traffic ko apne site par bhej sakte hai, aur aapko apne field me expert ke roop mein lane me madad kar sakta hai.
Aur, vastavikata ye hai sirf link banane ke liye guest posting nahi karni chahiye, agar aapko waha se link mil jati hai to vo sirf ek extra benefit samjhna chahiye.
Guest posting ki madad se naye audience tak pahuchana, sambandhit site ke traffic ke samne apne aap ko rakhna aur apne brand ka nirman karna ye aapka guest posting ke liye main focus hona chahiye.
Jab aap iss mansikata ke sath rananeeti banayenge, to aap payenge ki ye kafi jyada valuable ho sakta hai.
Method 9: Podcast
Podcast abhi bahut lokpriy hain, aur ve har mahine adhik audience ko prapt karte ja rahe hai.
Podcast kya hai? kaise apna podcast chalu kar sakte hai? ye dekhna ho to mere iss article ko jaroor dekhe.
Vastav mein, 44% American logo ne apne jeevan mein kam se kam ek baar to podcast suna hee hota hai, jabki 75+ million American log monthly podcast sunte hai.
Ye ek badi baat hain, aur yadi aap podcast ko apne marketing strategy ke hisse ke roop mein upyog nahi kar rahe hain, to aap bade avsaro se chuk sakte hain.
Podcast ke Benefits:
- Adhikansh business abhi bhi podcast ka upyog nahi kar rahe hain, aur iska ye matlab hai ki, ye aapke liye competitive advantage hasil karne ka ek shandar tarika ho sakta hai.
- Iski madad se aap naye audience tak pahuch sakte hai, apni experties share kar sakte hai aur baki search engines par visibility prapt karne ka best tarika ho sakta hai.
- Apple Podcast abhi bhi ek search engine hai, jaha aap keywords ke madhyam se relevant podcast khoj sakte hai.
- Aur isme Google Podcast bhi ek search engine Jaise kaam karta hai.
Apne Blog ka Off-page SEO kaise kare: Conclusion
Aap 2022 mein Off-page SEO ke importance ko najarandaj nahi kar sakte, lekin ye samjhna mahatvapurn ho jata hai ki ye sirf link building se kayi adhik kaam kar sakta hai.
SEO ki safalata ek brand building se hoti hai, aur Off-Page SEO me kuch ranking factors par focus hota hai, Jaise site optimization, content banana, aur google se bahar baki search engines par rank karana.
Aapko apni digital content strategy ko aur jyada accha karne ke liye Off-Page SEO ka istemaal karna chahiye.
Sabse pehle aapke brand ke bare mein soche, aur fir aap acche results ko prapt karne ke liye ek sahi mansikata ke sath Off-Page SEO mein jayenge jo vastav mein aapke brand ki online presence ko aur acche se bana sakta hai.
SEO tools Jaise SEMRush, aur uske metrics ki madad lekar aap khud off-page seo ke bare me sikh sakte hai.
Jaise Site ka Authority score samjhna ho ya domains ke bare me, site ke traffic ko dekhna ho, backlinks ke bare me jankaari leni ho, aur aise kayi important jankari hai jo aapke kisi bhi Top SEO Tools se mil sakte hai.
Yaha SEO ke bare me kuch aur articles dekh sakte hai:
Apne Blog ka On-page SEO kaise Kare?
Yadi aapne abhi bhi apna koi blog nahi banaya hai, to aap mere iss article (wordpress me blog kaise banaye) ko jaroor dekhe. Aur Online Paise kamane ka apna ek best tarika chalu kar sakte hai.
Umeed hai aapko ye article pasand aaya hoga, aur ab aap samajh gaye honge, apne blog ka off-page seo kaise kare? ab aap khud inn methods ka istemal karke apne blog ka off-page seo kar sakenge aur jyada se jyada traffic ko apne blog par la sakenge.
Iss article se aapko kuch bhi naya sikhne ko mila ho, to iss article ko baki logo tak bhi jarur share kare, jyada se jyada logon tak jankari dene ki hamare lakshy me hamari sahayata kare.
Sharing is Caring!!
Thanks!!