HomeBloggingApne Blog ka Promotion kaise kare? 10 Best Promotion Methods in...

Apne Blog ka Promotion kaise kare? 10 Best Promotion Methods in 2021

Apna Blog kaise shuru kare? Iske bare me aapko har jagah jankari milti hee hai. par jyadatar log aapko nahi bata pate ki, aage kya karna hai. aapne blog to shuru kar diya, likhna bhi chalu kar diya.

Par jab aap naye hote hai, to google me rank nahi kar sakte, aur uski wajah se aapke blog par traffic nahi aa pata.

To fir aapko hee pehle ke kuch samay tak apne blog par traffic lana hota hai. Apne blog ko Promote karke.

Par Apne Blog ka Promotion kaise kare? Ye sawal sabke dimag me aata hoga. To mere iss article me maine 10 Best Promotion Methods bataye hai, jinki madad se aap aaram se apne blog ko promote kar sakenge aur traffic ko la sakenge.

Aap jab apna blog shuru karte hai, ussi samay apne blog promotion ka bhi plan karna bahut jaruri hota hai.

Aap acche se content to bana lenge, par wo logo tak jana bhi chahiye.

Yadi aap ne apne blog ke launch karte samay accha se plan nahi kiya, to ye aapke blog ke future ke liye bahut nuksan dayi ho sakta hai.

To iss article ko akhir tak dekhe, aur isme jo jo methods bataye hai, unko apne blog me jaroor aazma kar dekhe.

Blog promotion ke methods dekhne se pehle, hum kuch important baate dekhte hai, jinke bare me aapko blog promote karne se pehle hee plan karna hota hai. Unko hum ‘Pre-Promotion Plan’ bhi bol sakte hai.

Pre-Promotion Plan

Blog promotion shuru karne se pehle, aap ko ye sunishchit karne ki avashyakta hai ki, aapka blog puri tarah se logon ko dikhane ke liye taiyaar hai.

Aapko ye pehle hee dekhna hoga ki, aapke blog me quality content ho, jo logo ki madad kar sakega, aur apna blog aisa ho jisko promote karne se kuch fayda mil sake.

To chalo ab hum dekhte hai, Blog promote karne se pehle aapko kin kin bato par plan karna jaroori hota hai.

1. Blog promotion aap khud karenge ya freelancers se karaye 

Apne blog ka promotion karna koi aasan baat hoti nahi hai! isme bahut sara kaam karna hota hai aur kuch sansadhan bhi shamil hote hain.

Aapko blog par bhi bahut sara kaam hota hai, content likhna hota hai, aane wale articles ka plan karna hota hai, aur bhi bahut kaam karne hote hai, aur ye sab aap khud kar rahe hai, to blog promotion bhi aapko hee karna thoda mushkil ho sakta hai.

To yaha par aap blog promotion ke liye freelancers ki bhi madad le sakte hai, to aapka kaam bhi aasan ho jayega.

Agar aapke paas pehle se hee bahut saare kaam hai, to aapke liye ye freelancers ka option accha ho sakta hai. sab kaam aap khud karenge to kuch dino me aap thak jayenge aur iss sabse dur bhi ja sakte hai.

Agar aapka budget ho to aap freelancer ki jaroor madad le apne blog ke promotion mein.

Yaha par mera ye kehna hai ki, blog ka promotion karna koi aasan kaam nahi hai. lekin aaj aise kayi tarike hai, jinki madad se aap apne blog ka promotion kar sakte hai, jyada samay aur paise na kharch kar ke bhi.

Iske liye aapko bas apne blog ko achhe se janane ki jarurat hai ki, aapka traffic kaha se aata hai, aapke main audience kon hai. aap ko kin logo ko target karna hai.

2. Ye sunishchit kare ki aapke paas high-quality content hai

Isase pehle ki aap vichar kare ki, apne blog ka promotion kaise kare, to pehle ye sunishchit kare ki aap high-quality content wala blog bana rahe hain. 

Aap ke blog mein logon ke liye upyogi, aur unique content hona chaahie jo aap ke products aur brand se sambandhit ho.

Sabse badi baat ki, aapko trends se dur nahi rahna hai. Search engines par konse topics trends me hai, ispar hamesha dhyan rakhe. Iske liye aap Google Trends ka istemal jaroor kare.

Aapko blog me naye naye content ko dalte rahna hai, trends me chal rahe topics par conent banana hai, apke niche ke kuch news chal rahe ho, to un par bhi content banana chahiye.

Apne blog ke content ko aur accha banana hai, to aapko usme kuch visual content bhi dalne honge, Jaise images, videos, graphs, infographics. Visual content humesha logo ka dhyan khichta hai.

Visual conent bhi aapke blog par accha traffic la sakta hai, agar aap Image ka SEO bhi achhe se karte hai to. Image ka Alt text SEO me bahut bada kaam karta hai.

Ye baat hamesha yaad rakhe, Agar aapke blog me low-quality content hai, to aap kitne bhi best promotion methods ka istemaal kare, aapke kaam nahi aayega.

3. Apne blog ko khojne layak kare

Apne blog ke best content ko banane ke sath-sath, aapko apne blog content ko acche se optimize karna hoga, taki wo aaram se khoja ja sake.

Apne Blog ka Off-Page SEO aur On-Page SEO karna aapke liye google search results me aane ke liye bahut jyada madad karta hai.

Blog post ko SEO optimize karke likhne ke liye, aapko keyword research karna hoga. Aapko aise keywords khojne hoge, jinki demand kafi jyada hai, aur fir unn keywords ko apne blog post me acche se optimize karke dalna hai.

Aapko acche se internal linking karna hoga, aur sath me relevant external linking bhi karna hoga.

Agar aapko ye sab sikhna hai, to aap mere Blog ka SEO kaise kare? Iss article ko dekh sakte hai.

Agar aap apne blog ko acche se SEO optimize karte hai, to google aapke blog ko upar ke page me rakhta hai, fir waha se traffic bhi aata rahta hai, jo paid promotion se kafi jyada important hota hai.

Agar aap apne readers ke sath ek accha bond bana lete hai, to ye kisi bhi promotion method se badhiya rahega.

Uske sath aap apke niche ke baki blogger ke sath bhi ek accha connection bana sakte hai, uske bhi apne alag se fayde hote hai.

Blog ka Promotion kaise kare: 10 Best Promotion Methods

1. Apne site ke liye Link Building karna

Ek baar jab aap apne content ke ins-outs ke bare me samjh lete hai, to aap organic links banana shuru kar sakte hai.

Ye aapne bahut baar suna bhi hoga. yadi aap vastav mein google me rank karna chahte hain, to aapko link-building ka kaam chalu karna hoga.

Agar aapko apne blog ka ek best, long-term SEO karna hai, to apne blog ke liye link building karna sabse best vikalp hota hai.

Beshak, aapke site par backlinks banane ke alag-alag tarike hain. unme Guest Posting bhi ek best tarika hota hai. High-quality guest posting se aapko backlinks milte hai, to ye aapke site ke ranking me bahut kaam aata hai.

2. Apne Blog ko Social Media par share kare

Social media par promotion karne ke bare me aapne pehle bhi suna hee hoga.

Apne blog post ko social media par share karna, hamesha apne content ko promote karne ke best tariko mein se ek hoga.

Beshak, aapko social media par apni ek jagah banane me thoda samay jata hai.

Par ek baar aapke paas badi sankhya me followers ho jate hai, to ye aapke liye golden chance ho jata hai.

Par aapko apne har ek post social media par share nahi karna hai. aapko mahine me apne best 4-5 posts ka hee yaha par promotion karna hai.

Baki dino me aapko apne followers ke liye alag se engaging content banakar post karna hoga. aur apne followers ko badhane ki koshish karte rehna hai.

Social media par aapke paas jitney jyada followers honge utna aapke liye accha hota hai.

Iske sath, aap social media automation ke tools jaise Socialpilot ka bhi istemal kar sakte hai. jo aapke posts ko automatically share karta rahega aur aapke sabhi social media accounts ko ek hee dashboard me manage kar sakta hai.

3. Quora par sawalon ke jawab dena

Quora unn logo se judne ke liye sabse achha platform hai jo aapke blog par post hone vale topics mein ruchi rakhte hai.

Aur, ek naye blogger ke liye, quora ek shandar promotion platform ho sakta hai.

Iske liye bas ek Quora account banaye aur apne niche se sambandhit savalon ke javab dete rahe.

Aur sabse important, aapko apne sabhi jawabo me apne blog posts ke links add nahi karne hai. ye ek spammy sabit ho sakta hai, aur aapka Quora ka account bhi ban ho sakta hai.

Iske bajay, Quora users ke sawalon ke acche se jawab dekar vastav mein unki madad karne ki koshish kare.

Apne blog ka link aap apne quora profile me add kar sakte hai. Agar aapke jawab se koi prabhavit ho jata hai, to wo aapke profile ko jaroor dekhta hai, aur waha se wo aapke blog par aa jayega.

4. SubReddits Par Post Kare

Reddit platform par subreddit hota hai, waha par aapko kisi bhi topic par badi sankhya me audience mil jata hai. aur yaha par apne blog post share karne sabse badhiya kaam ho sakta hai.

Quora ke tarah, subreddits par bhi kayi alag alag topics hote hain, jinme aap shamil ho sakte hain aur waha ke conversation mein shamil ho sakte hain.

Ye aapke blog post ko share karne ke liye aur apna ek prabhav nirman karne ka ek best tarika ho sakta hai.

5. Influencer se Bonding karna

Apne niche ke bade Influencers se bonding karna aapke blog ko promote karne ke sabse shandar tarikon mein se ek hai, lekin aapko yaha par jyada tar rejection dekhna pad sakta hai. jyada tar Influencers aapko reject kar sakte hai.

Agar aapko unse haan pani hai, to pehle aapko unse ek accha relationship banana hoga. tab jake aap unse return me kuch mang sakte hai.

Uske liye aap ek kaam kar sakte hai, aap unke blog ke links ya social media links ko apne blog post me add karke unko ek tarah se promote kar sakte hai.

Iski madad se aap shayad unse ek accha bond bana sakte hai. aur ye lambe samay tak kaam karega.

6. Popular Blogs par Guest Post banaye

Guest Posting sabse purani marketing techniques mein se ek hai, par ye abhi bhi hamesha ki tarah prabhavi hai.

Guest Posting me aapko apne niche ke baki blogs tak jana hota hai, aur unko uss topic ke apne post idea ko batana hota hai, jiske bare me aap unke blog par guest post karna chahte hai.

Guest Posting me dono sides ko fayda hee milta hai. unke blog par ek high-quality wala aur unique content mil jata hai, aur aap ko waha se ek backlink mil jati hai.

Halanki, Guest blogging aasan nahi hai, isake liye bahut kaam ki avashyakta hoti hai.

Apne Niche ke bloggers ko outreach emails bhejane ke sath-sath, aapko high-quality ke guest post ko banane ke liye bhi samay nikalna hoga.

Agar bade paimane par Guest post banane hai to, aapko freelance writers ko hire karne ki avashyakta hogi, jo aapko Guest blog post likhne mein madad kar sakte hain jab aap outreach emails karne me busy ho. 

7. Apne Saman Blogs par Network banana

Bahut sare bloggers dusre blogs par comments nahi karte hai, ve ye samjhte hai ki usse unke SEO par koi asar nahi hota. Ha ye sahi hai ki, aapke comment karne se SEO par koi accha asar nahi hota.

Lekin dusre, apne saman blogs par ek comment karne ke labh abhi bhi jyada hain.

Agar aap apne niche ke baki blogs par comments karte hai, to aap apne industry ke baki bloggers ke najar me aate hai. aur uske baad aapki unse acchi bonding bhi ho sakti hai. aapki ek best community bhi ban sakti hai.

Halanki, ye mana jata hai ki, jyada paise kharch kiye bina ya bahut adhik samay tak apna naam rakhne ke liye ye abhi bhi ek sambhavit avsar pradan karta hai. 

8. Heat Maps ka upyog kare

Aapke blog par aane wale users ka page-by-page engagement ko review karna hai, to apne Website par Hear Map ka upyog karna ek accha tarika hai.

Heat maps ke jankari ka istemaal karke aap apne website ke users experience ko aur achhe se bana sakte hai.

Heat Maps me milne wali jankari bhinn ho sakti hai, jaise ki users konse pages par click karte hain, ve kaha se bahar niklna chunate hain, ve kaha scroll karte hain, ve kis content ko dekhate hain.

Heat map ka upyog karke, aap apne users ke anubhav ki behtar kalpna kar sakte hain aur usse aur jyada behtar banane ki disha mein kaam kar sakte hain.

9. Apne website ka Performance dekhne ke liye SEO Tools ka upgoy kare

Yadi aapke paas ek healthy website nahi hai, to aapka blog content search engines ke top results par kabhi nahi jayega.

Aap apne website ke performance ko analysis karne ke liye kisi bhi SEO Tool Jaise SEMRush(7-day free Trail) ka upyog karne par vichar kar sakte hai.

SEO tool ka istemal karke aap apne site ko optimize kar sakte hai, aapke users kya dekha rahe hai, ya serach engines par rank karne ke liye kis tarah ka content chahiye iske bare apko ek idea mil sakta hai.

SEO tools ke madad se aap keyword reseach kar sakte hai, aur users kin keywords ko dekhte hai ye aap samjh sakte hai, aur agar aapne unn keywords par content banaya to bade aaram se aap rank kar sakte hai. 

10. Emails dwara Promotion

Email ek powerful blog promotion tool hai. aap emails ki madad se kayi logo tak apne blog post ko bhej sakte hai.

Par isme aapko pehle apni ek email list banana pdti hai, jo aap apne blog par newsletter chalu karke bhi kar sakte hai.

Aap kisi bhi acche email provider Jaise Convertkit ka upyog karke apne blog par newsletters ke liye ek Call-to-action(CTA) bana sakte hai. jinko bhi aapke naye post ki jankaari chahiye hogi, ve waha par apna email add kar dete hai.

Aise karke kuch hee samay me aapke paas ek acchi email list ban jayegi. Fir aap uska upgoy aapke naye post ke promotion karne me kar sakte hai. aur apne kisi product ya services ko bechne ke liye bhi email list ka upgoy kar sakte hai.

Blog ka Promotion kaise kare: Conclusion

Akhir me main yahi bolna chahta hu ki, ye baat humesha yaad rakhe ki blog promotion raatoraat nahi hoga.

Aapke shuru se ek strong plan karna hoga, jo aapke blog ke liye lambe samay tak kaam karta rahega. Lambe samay tak aapke blog par traffic lata rahega.

Aapko kisi bhi aise tricks ka istemaal nahi karna hai, jo aapko kam samay me jyada traffic de sake. Ye aapke blog ko lambe samay tak nuksaan kar sakta hai.

Shuru me kisi bhi Best Promotion methods ke bina aapke blog content par traffic lana kafi mushkil ho sakta hai. aap shuru me google me dikhenge bhi nahi. To traffic aane ka sawal hee nahi aata.

To shuru me apne blog par badi matra me traffic lane ke liye mere bataye gaye methods ka apne blog me jarur istemaal kare.

Apne blog ka promotion kaise kare? Iss sawal ka jawab to maine abtak de hee diya hai. par fir bhi sabse pehle aapko apne blog content ko humesha best-quality ka rakhna hoga. tabhi mere ye promotion methods kaam kar sakenge.

Yadi aapne abtak apna koi blog nahi banaya hai, to aap mere iss article (wordpress me blog kaise banaye) ko jaroor dekhe. Aur Online Paise kamane ka apna ek best tarika chalu kar sakte hai.

Umeed hai aapko ye article pasand aaya hoga, aur ab aap samajh gaye honge, apne blog ka promotion kaise kare? ab aap khud inn methods ka istemaal karke apne blog ka promotion kar sakenge aur traffic la sakenge.

Iss article se aapko kuch bhi naya sikhne ko mila ho, to iss article ko baki logon tak bhi jarur share kare, jyada se jyada logon tak jankari dene ki hamare lakshy me hamari sahayata kare.

Sharing is Caring!!

Thanks!!

digitalnikshttps://digitalniks.com
Hey, Welcome to Digital Niks. I'm Nikhil, founder of Digital Niks. A Professional Blogger, Affiliate Marketer, & A Entrepreneur. I create this blog to help new Bloggers and Digital Marketers, who are still struggling to start a Blog and Earn Money Online.
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

DMCA.com Protection Status