HomeGeneral KnowledgeFiverr Kya Hai? Fiverr se paise kaise kamaye? (Complete Guide for 2021)

Fiverr Kya Hai? Fiverr se paise kaise kamaye? (Complete Guide for 2021)

Fiverr, ek bahut popular platform hai, Jo aapko alag alag Digital Marketing ke bare me freelance services provide karta hai.

Aap mein kayi log aise bhi honge, jinhe ye sare sawal aate hoge, ye Fiverr kya hai? Fiverr kaise kaam karta hai? agar mujhe koi freelance service leni hai to mai wo fiverr se kaise buy kar sakta hu? Agar mere paas koi freelance service hai, to main wo service fiverr par kaise sell kar sakta hu?

Inn sabhi sawalon ka jawab aapko iss article me mil jayege, to isliye akhir tak humare sath bane rahe. Aaj aap fiverr ke bare me puri jankari lene wale hai.

To chaliye shuru karte hai.

Fiverr Kya Hai?

Fiverr ka ek aisa freelance platform hai, jaha aap konsi bhi freelancing service buy ya sell kar sakte hai. Fiverr 2010 se iss freelancing market mein hai.

Fiverr aaj duniya ke sabse bade platforms me se ek hai, jo aapko digital services provide karta hai.

Aaj fiverr par 30 lakh se jyada types ke Gigs hai. Gigs matlab koi bhi service ya kaam.

Logo Design, Content Writing, Graphic design aise kayi types ke services ko gigs bola jata hai.

Jab Fiverr shuru hua tha, to iske naam me hee five aata hai, to iss par jo bhi gigs the we sabhi $5 me mil jate the.

Par 2014 me fiverr ne iss limit ko hataya gaya. Ab aapko yaha par $5 or usase jyada price ke gigs milenge.

Jaise-Jaise ye platform grow kar raha hai, Gigs ki quality aur quantity mein tezi se badh gayi hai, aur ab aap yaha par kisi bhi digital service ko bahut aaram se prapt kar sakte hain.

Fiverr Kaise Kaam Karta Hai?

Fiverr kisi bhi dsure marketplaces ki tarah hee kaam karta hai. Sellers apni services(gigs) ko yaha par list karate hai aur inn services mein interest rakhne vale Buyers unko service ke bare me kuch saval puchte hai aur yadi ve log sellers ke javab se khush ho jate hai, to ve log unn services ko kharid lete hai.

Fiverr ek Middleman ki tarah kaam karta hai, jo dono( Buyer aur Seller) ko guarantee deta hai ki, final result se ve dono khush hain. Iske liye Fiverr har ek sale ka 20% commission leta hai.

Jab seller apne service ya Gig ko buyer tak deliver kar deta hai aur buyer delivery confirm kar deta hai, tab fiverr uss sellers ko 2 weeks ke bhitar uske paise deta hai (Jab aap ek trusted member ban jate hai, to aur tezi se aapko paise mil jate hai).

Fiverr Gigs Kya Hai?

Fiverr Gigs aisi services hoti hai, Jo Sellers (freelancers) dvara Fiverr website par offer kiye jate hai.

Inn Gigs ka price $5 se $10,000 tak ho sakta hai. yaha par adhikansh service aapko $5 tak mil jati hai, par aapko kuch extra aur acchi quality ka chahiye, to bhi aapko yaha mil jata hai kuch extra paise dekar.

Jyadatar Gigs inn Categories mein aate hain:

  • Graphic & Design
  • Digital Marketing
  • Writing & Translation
  • Music & Audio
  • Video & Animation
  • Lifestyle
  • Business

Kya Fiverr Legit Platform Hai?

Fiverr Kya hai? ye to humne dekh liya. Par kya fiverr legit platform hai? jispar hum trust kar sake, kya aisa platform hai? to iska jawab hai Yes, Isme koi shak nahi hai. Sellers aur Buyers inn dono ke liye Fiverr ek legit website hai.

Kuch fiverr “hustlers” hain jo aapki services ka labh lene ki koshish karenge ya aapko ek aisi service provide karenge jiski quality uss tarah ki nahi hoti jaise advertise mein dikhaya gaya tha.

Halanki, Buyers humesha apne orders ki janch kar sakte hain aur report bhi kar sakte hai ki, ye aapko jaise chahiye waise hai ya nahi isme ke bare me.

Fiverr ke paas apna ek customer service hai jo, aapko kisi bhi problem ko hal karane mein madad karta hai 24 hours ke bhitar.

Yadi koi seller aapke order ko samay par dene mein fail ho jata hai, to aap delivery ka samay badha sakte hain ya turant refund prapt kar sakte hain.

Fiverr ke paas aapki billing aur personal information ki security ke liye SSL Cerificate hota hai. Aisi jankari jo aap dusre logon ke sath share karna nahi chahte usko fiverr par secure kiya jata hai.

Fiverr aapko Quality Freelancers ko search karne ka ek easy method provide karta hai, jaise ki kuch bhi buy karne se pehle aap kisi bhi sellers ki Ratings, Stars aur buyers ke reviews dekh sakte hai.

Jiske baad aap aaram se kisi bhi acche seller ko chun sakte hai, aur apna kaam karva le sakte hai.

Fiver mein aane wale Problems aur unke Solutions:

  • Seller aap ka order samay par deliver nahi karta hai:- Tab seller se contact kare, fir support se contact kare. Yadi seller aapki problem ko hal karne ke liye taiyar nahi hai, to refund ki mang kare.
  • Seller aapko poor quality ki service deliver karta hai (Jaise advertise me hai waisa nahi):- Tab Revision ke liye bol sakte hai. Uske baad bhi yadi aap satisfy nahi hai, to aap refund ki mang kar sakte hai.
  • Yadi aap pareshan hai ki, fiverr har ek order ke liye $2 extra charge kar raha hai, aur $5 price bhi leta hai. Par isme kuch bhi nahi kiya ja sakta, ye unki pricing policy hai.

Fiverr me Sign Up Kaise Kare?

Fiverr signup ka process bahut simple hai, specially buyers ke liye.

fiverr signup
fiverr signup

Yadi aap fiverr par ek Seller account banana chahte hai, to aapko apna profile set karna hota hai aur Gigs ko add karne mein thoda aur samay bitana hoga taki aap Online Paisa Kamana shuru kar sake.

Yadi aap ek Buyer banana chahte hain, to iss link par click kare aur fiverr par apna ek buyer account banaye aur apni first purchase par 20% off prapt kare.

Sign Up karne ke liye aap apne facebook profile, google account ya email address ka upyog kar sakte hai.

Yaha aapko ek user name banana hoga, aur dhyan rakhe ki, aap ise bd mein change nahi kar sakte.

Jinhe bhi Fiverr par seller account banana hai, to aage main iss par puri jankari dene wala hu, jiski madad se aap aaram se apna fiverr par seller account bana sakte hai.

Fiverr par Services Buy karna

Fiverr ne logon ke liye kis bhi service ko buy karna bahut aasan bana diya hai. Fiverr kaise kaam karta hai? Isme humne dekha ki, aapko bas aapke order ki sabhi important information pradan karni hai aur fir 2-3 dino ke bhitar aap ko apna order deliver kiya jata hai.

Ye bahut aasan lagta hai, hai na? lekin isase pehle ki aap fiverr par jaye aur kisi bhi service ke liye order kare, pehle ye jarur dekh lena jo mujhe yaha batana hai, jaise ki fiverr humesha utna achha nahi ho sakta jitna lagta hai.

Fiverr par maine abtak kayi services ko buy kiya hai uske baad mujhe aisa lagta hai ki ab fiverr ek aisa platform ho gaya hai ki jiska reputation damaged ho gaya hai, mainly fiverr ke kharab ranking system ke karan.

Fiverr par cheap price mein ek best quality service ko buy karne ke chances bahut kam hai, kyunki yaha par aise thode hee high quality ke gigs hain jinki price $5 hai.

Halanki, jo gigs aap $5 me buy karte hai uske piche kuch karan ho sakte hai, jaise ki;

– Seller new hota hai aur vo apne gigs ki rating mein sudhaar karane aur buyers se acche reviews prapt karane ke liye low price par apni service sell kar raha hai. baad me uske price increase hone wale hai.

– Seller ek aise country se ho sakta hai, jaha $5 bhi bahut badi amount ho sakti hai. iska matlab ye nahi hai ki, inn country ke sabhi sellers bahut accha kaam karte hain (kayi cases mein, services ki quality utni bhi acchi nahi hoti hai).

– Gigs ko banana aasan hota hai aur uske liye kisi jyada hard work bhi nahi karne padte (sellers normally kisi bhi softwares ka upyog karke gig bana sakta hai). Iss prakar ke gigs aapke business ko harm kar sakte hain.

Kul milakar, abhi bhi bahut sare best gigs hai, jinhe aap $5 ke liye buy kar sakte hai, kabhi-kabhi isse search karne mein thoda jyada samay lagta hai, to kabhi-kabhi aap $5 tak negotiate bhi kar sakte hai.

Fiverr se Backlinks buy karna

Fiverr par Backlinks buy karna ek bad idea hai aur ye Google ki Terms of Services ko bhi break karta hai.

Yadi aap ek SEO Expert hai jo Search Engines ke naye Alogrithms ka accha knowledge hai, to aap seller se uske last order or delivery ka sample mang sakte hai.

Fir, acche se verify karne ke baad, aap ye decide kar sakte hai ki kya aapke Niche ke liye iss prakar ke backlinks buy karna achha vichar ho sakta hai ya nahi.

Aapke competitors low-quality backlinks ke sath Google par top rank karte hai, to aapko aisa lag sakta hai ki, aap bhi aise backlinks se google me top kare, par ye kuch samay ke liye accha ho sakta hai, par aise backlinks long time ke liye aapke business ko harm karta rehega.

Iske bajay to aap hee Apne Blog ka SEO kaise Kare? Ye sikhenge to aapke liye hee accha hoga.

Fiverr se Traffic Buy karna

Fiverr se Traffic buy karna, ye koi best idea nahi ho sakta.

Fake traffic aapki ranking ke liye jyada fayda nahi de sakte aur yaha tak ​​ki SERP mein aapki ranking ko nuksan bhi pahucha sakta hai.

Iss tarah ka traffic aapko kisi bhi tarah ka sale nahi la sakta, kyunki ye ek tarah ka BOT traffic hota hai.

Fiverr par Services kaise sell kare?

Fiverr kisi bhi person ko apna ek seller profile set karne mein madad karta hai aur unki konsi services ko apne platform par bechne ka ek simple method provide karta hai.

Aapko bas apne Seller account ke liye sign up karna hai aur sabhi process ko acche se complete karna hai.

Uske baad, aapki gig/service fiverr ke result page par show karne lagte ho jata hai, jab bhi koi fiverr mein aapke service ke bare search karta hai tab.

Fiverr New gigs/service ko accha exposure deta hai. aur agar aapki service acchi hai aur aap buyers se acche reviews la sakte hain, to aapke orders kafi tezi se badhenge.

Fiverr mein Seller Account kaise banaye?

Pehle to Aapko Fiverr website jana hoga aur fir waha “Become A Seller” button par click karna hai.

Aapko inn 5 easy steps ko completa karna hoga:

  1. Apna Seller Profile set kare.
  2. Apna Ek Gig banaye
  3. Ek video Introduction add kare (ye optional hai).
  4. Apna ek Package provide kare (apka order value increase karne ka best method)
  5. Apne Gigs ke sath kuch extra provide kare (ye revenue increase karne mein madad karta hai).

Yaha par keval first 2 steps compulsory hai, last 3 steps aapko traffic badhane mein aur apna profit badhane mein madad karenge.

Kya Fiverr ka upyog karna Safe hai?

Iske dono jawab ho sakte hai, Yes aur No.

Yadi “Safe” se aapka matlab website ki security se hai, to Yes, ye bahut safe hai aur aapko utna tension nahi lena hai.

Lekin agar aap aapke online business ke liye fiverr ki koi bhi gig “Safe” hai ya nahi, ye bolna chahte to mera jawab ‘No’ hoga.

Example ke liye, yadi aap new website ke SEO ko behtar banane ke liye 20,000 backlinks order karne ki soch rahe hain, ya aap apne youtube channel par fake views prapt karna chahte hain, to isspar ek baar phir se soche.

Halanki, Fiverr par bahut sare best gigs bhi hai, jo vastav mein aapke business ko fayda pahucha sakte hai.

Fiverr se paise kaise kamaye?

Aise kayi methods hai jinse aap fiverr se paise kama sakte hain. main yaha kuch principals batane wale hu, jinhe kisi bhi Niche par apply kiya ja sakta hai.

Yadi aap logon ko kuch aisa unique, different service provide nahi karte, jo service market mein apni ek brand bana sake, to fir aapko dekhna chahiye ki, aap jo service provide kar rahe hain uske liye pehle se badi matra me demand ho.

Example ke liye, yadi fiverr par aap “voice over” search karte hain, to aap dekhenge ki jo freelancers iss gig/service ko sell kar rahe hai, unke paas pehle se kayi order hote hain.

Jiska matlab ye hai ki, log issi tarah ki services mein interest rakhte hai. to aapko bhi aise services search karne padenge, jinki demand bahut adhik hain aur jyada sellers dvara provide nahi ki gayi hai.

Apne gig ko acche se offer kare, taki jyada tar log aapke paas order de. Shuru me aap thoda low price rakh sakte hai, taki aapko order jyada mile aur aapko acche reviews bhi mile.

Par ek baar orders milna start ho jaye, to uske baad bhi achanak price increase nahi karne hai, agar aapko price badhani ho, to apne gig me kuch extra service add kare, uske baad hee price badhana accha hota hai.

Ye pehle hee plan banaye ki, aap kitna paisa kamana chahte hain aur kaam complete karne mein aapko kitna samay lagega. uske hisab se price rakhe.

Aap 20 articles likhne ke baad keval $5 ko ek article sell karke sirf $100 nahi kamana chahenge. Aapko kuch samay nikalna hoga, taki usme aap apne buyers ke sawalon ke jawab de sake. Uske karan aapko jayda order bhi mil sakte hai.

Apne Gigs ko sahi tarike se optimize kare. adhikansh log search bar ka upyog karke gigs search karte hain. Isliye aapke service ke bare me agar koi search results me search karna chahe to aapka gig uske samne aana chahiye.

Aapke niche ke jo gigs aap top results me dikhayi dete hai, unke bare me thoda study kare. Unke titles, description, keywords aur tags ko jaroor dekhe. Aur unko apne gigs mein add karna hai.

Yaha par aapko unko copy nahi karna hai, bas unse milta julta result aana chahiye. Agar aapne unke details waise hee copy karke aapke gigs me add kiye to aap kabhi top position par nahi aa sakte.

Apne service ko samay par deliver karna bahut important hota hai, aap jitna jaldi order ko deliver karte hai utna aap par trust badhta jata hai, aur aap kam samay me jyada paise kama sakenge.

Log aapke kaam ke bare me reviews likhte hai, aur acche reviews aapko aur jyada orders dete hai. aur Fiverr ka bhi aap par trust badhta hai.

Agar aapko acche review chahiye to aapko apne service me quality deni hogi. Kisi ko aapki service pasand nahi hai, to uske liye bhi solution tayyar rakhe.

Fiverr Kya hai? Fiverr Kaise kaam karta hai: Conclusion

Fiverr ek legit website hai jisme badi Sankhya mein best services hai aur reputable Sellers aur Buyers hote hai.

Sabhi Platforms ki tarah, Fiverr par sabhi kaam acche se nahi ho sakte, kabhi kabhi aapko kharab quality ke kaam bhi mil sakte hai.

Halanki, Fiverr community ke adhikansh log, hardworking aur legit hote hai, jo apne buyers ke online business ke liye acchi services provide karte hain.

Jab SEO gigs ko buy karne ki baat aati hai, to main aapke khud ke experience aur knowledge par trust karne ki advice deta hoon. aur apne online business ke liye backlinks ya fake traffic buy nahi karna chahiye utna advice kar sakta hu.

Yadi aap Fiverr par apni services sell karna chahte hain, to aapko isme success milne ke liye bas itna karna hoga ki, aap ek high quality wali service provide kare, apne service ki puri tarah se responsibility le taki aapke buyers aap par trust kar sake.

Mere raay mein, Fiverr unn logon ke liye ek best place hai, jo ek profitable online business banana chahte hai.

Yadi aapne abtak apna koi blog nahi banaya hai, to aap mere iss article(wordpress me blog kaise banaye) ko jaroor dekhe. Aur online paise kamane ka apna ek best tarika chalu kar sakte hai.

Umeed hai aapko ye article pasand aaya hoga, aur ab aap samajh gaye honge Fiverr kya Hai? aur Fiverr se paise kaise kamaye? ab aap apna khud ka Fiverr account bana sakenge fir wo buyer ho ya seller.

Iss article ko baki logon tak jarur share kare, jyada se jyada logon tak jankari dene ke humare goal me humari help kare.

Sharing is Caring!!

Thanks!!

digitalnikshttps://digitalniks.com
Hey, Welcome to Digital Niks. I'm Nikhil, founder of Digital Niks. A Professional Blogger, Affiliate Marketer, & A Entrepreneur. I create this blog to help new Bloggers and Digital Marketers, who are still struggling to start a Blog and Earn Money Online.
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

DMCA.com Protection Status