HomeMake Money OnlineGoogle Adsense kya hai? Google Adsense kaise kaam Karta hai?

Google Adsense kya hai? Google Adsense kaise kaam Karta hai?

Aapke website par aane wale traffic ki madad se paise kamane ke bahut se tarike hai, usme se jyada tar kisi third-party products ya services ke ads ko chalakar paise kamate hai.

Aajkal bahut sare advertising programs hai jo aapko paise kamane me madad karte hai, par aaj bhi Google Adsense sabse jyada popular hai. par ye Google adsense kya hai? ye maloom hai apko.

Google ne Google adsense ko launch kiya tha 2003 me, aur aaj ye internet par sabse popular advertising program hai.

yaha pe bahut sare baki options hone ke baad bhi apne site par ads lagake paise kamane ki baat aati hai, to first priority humesha google adsense ko hee milti hai.

Sabhi blogs, websites owners ko unke sites par aane wale traffic ke madad se paise kamane me Google Adsense ka bahut bada hath hota hai. Google har saal $15 billion dollars se jyada publishers ko pay karta hai.

Aap apna blog shuru karna chahte hai aur uspar adsense lagakar paise kamana chahte hai to iss article ko jaroor dekhe: WordPress me Blog kaise banaye?   

Ab dekhte hai Google Adsense kya hai? aur google adsense ke fayde kya hai? ye kaise kaam karta hai?

Google Adsense ke Fayde 

  • Google adsense par Publishers aur Advertisers ki ek badi sankhya hai. aaj, 35 million se adhik websites google adsense ka upyog kar rahe hai.
  • Google adsense apne publishers aur advertisers ko kadi suraksha deta hai, safety aur pardarshita deta hai. ye adsense ki ek aur achi visheshta hai. Google dono pakshon ke bich me ek madhyasth ke roop mein karya karta hai, aur puri prakriya ko paradarshi aur sabhi ke liye spasht hone ka dhyan rakhta hai. Jo bhi important metrics hote hai ve aap apne google analytics me dekh sakte hai.
  • Ads formats ki vividhata. Adsense mein, Advertisers text, images, html ads, video ads aur bahut kuch aur kayi alag-alag sizes mein apne ads chala sakte hain. Ek publisher ke roop mein, aap alag alag ads ke types ke saath prayog kar sakte hain aur ye pata laga sakte hain ki kaun sa ad type aapko sabse adhik revenue deta hai.

Tip: Baki publishers kis type ke ads, kitne sizes ke ads jyadatar chalate hai, ye apko dekhna hoga aur sikhna hoga. udaharan ke liye, humne kuch sites ka adhyayan kiya tha to usme, hamne paya ki sabse jyada sites kisi ad size ka istemal karte honge to, wo ad size 728×90 aur 300×250 hai.

Google Adsense Kaise Kaam Karta Hai? 

Google adsense ki puri prakriya kafi saral hoti hai. sabse pehle aap ek Google Adsense account banate hai, fir waha par apko ads ke liye ek code milta hai, uss code ko apke website ke pages me add kar dete hai, bas ho gaye aapke ads chalu ho jate hai.

Fir google apke site par targeted ads dikhana chalu karta hai. targeted ads matlab ya to wo ads apke website ke content se relevant hote hai, ya to users ne jo bhi kuch pehle search kiya hota hai, uske bare me ads hote hai, google ke ek algorithm ke anusaar.

Fir aapke website visitors unn ads par click karna chalu karte hai, agar ads unke liye jyada relevant ho to. Aur yaha par sabse acchi baat to ye hai ki, unn clicks ke liye aapko paise milte google ke taraf se.

Google adsense CPC(cost-per-click) aur revenue sharing ke aadhar par kaam karta hai.

Iska matlab hai, aapko agar google se jyada paise kamane ho to apko unn ads par jyada se jyada clicks lane honge.

Tip: Google ko dhoka dene ki aur clicks ki sankhya ko krutrim roop se badhane ki koshish kabhi bhi na kare. Aapke website visitors ko unn ads par click karne ke liye kabhi encourage na kare, aur sabse badi baat jo aapko bhulni nahi hai, kisi bhi paristhiti mein apne khud ke ads par click na kare.

Google ke paas clicks ke fraud ko rokne ke liye ek bahut hee sateek aur jatil pranali hai. ek baar jab ye aapki website par kuch sandigdh gatividhi ko notice karta hai, ya aapke traffic aur click ki gunvatta ke bare mein koi sandeh aata hai, to yah aapke adsense account ko suspend kar sakta hai.

Aap Google Adsense se kitna kama sakte hain? 

Google advertisers se per ad click ke hisaab se paise leta hai. matlab agar koi apne products ka ad chalata hai google par, to jitna wo paise kharch karta hai uss hisab se usse clicks milte hai.

Agar usne 1000 rs kharch kiye aur google ne usse bataya ki, utne paise main apko 100 clicks milenge, matlab google ne 1 click ka kitna liya 10 rs sahi hai na isse aam taur par CPC bola jata hai.

To samjho google uss product ka ad apke blog par chalata hai aur waha apke visitors uss par click karte hai to aap kitna kama sakte hai.

To google apko har ek click 68% deta hai, aur baki 32% khud rakhta hai. humne dekha ki google 1 click ka uss products company se kitna leta hai 10 rs.

To aapko 1 click ke liye usme se 68% matlab 6.8rs milenge. Agar uss ad par total 10 click aaye to aap 68rs kamate hai.

Aap jo ye paise kamate hai, ye sab aapke Niche ke Competition aur CPC par nirbhar karta hai.

Reality dekha jaye to aap $0.20 se $15 tak har ek click par commission kama lete hai.

Adhikansh Niche me publishers ko ek click ke liye $3 se kam milte hai. halanki, kuch Niche hain jo behad labhdayak ho sakte hain.

Sabse labhdayak Topics ki khoj karne ke do tarike hai:

  1. Aap jis Niche me jana chahte hai, uske CPC ka anuman lagana,
niche cpc
Source: SEMRush.com

Yaha aap dekh sakte hain ki, America mein teen sabse mahenge Niche Insurance, Online Education aur Marketing-Advertising hai.

yadi aap abhi apna blog shuru karna chahte hai aur aap kisi ek topic ko dekh rakhe hai, to ye numbers aapke kaam aayenge.

Par ye baat kabhi na bhule, jis bhi Niche me jyada CPC hota hai, usme utna competition bhi hoga, uss hisaab se apni ranneeti banakar apna blog shuru kare.

  1. Aap jis keyword par likhna chahte hai, uska CPC dekhe kisi bhi Keyword tool me:
keyword cpc
source: SEMRush.com

Kisi bhi keyword tool jaise SEMRush ( Duniya ka sabse bada keyword database inke paas hai) me keywords ke section me jakar, aap bas ek keyword ko darj kar sakte hai (example ke liye “Adsense”) aur yaha aapko uss keyword ke bare me sab kuch jankari mil jati hai.

Jaise, CPC, search volume, competition level. Aur sirf main keyword nahi, to uske relevant keywords ki bhi jankari milti hai.

Tip: Aap adsense se jitni bhi amount kamate hai, wo sirf apke niche ya keywords ke CPC par nirbhar nahi hota hai.

Ye iss baat par bhi nirbhar karta hai ki ads aap ke darshakonke interests se kaise mel khate hain, logon ko uss ads me interest nahi hoga to wo kabhi click nahi karenge, aur aapke ads pages ke kin jagahon par hai iss par bhi apka adsense income nirbhar hota hai.  

Isliye apne Website ke content, uske look n feel par jyada dhyan de aur ads ko alag alag jagah par place karke test karna hoga, ye dekhna hoga ki kis jagah par aapko acha result milta hai.

Aap Ki Website ka Traffic King hai

Aakhir mein, aur sabse important baat, Aap jitna bhi paisa kama lete hai, wo aapke website par aane wale Targeted traffic par nirbhar hota hai.

Aap sabse mehngi, sabse profitable Niche chun sakte hain aur apne ads ke liye apne blog par best place bhi chun sakte hain, lekin iss sabka koi matlab nahi, agar aapke website/blog par traffic nahi aata hai to.

Ek baat hamesha yaad rakhe ki, aapke website visitors me se bahut kam log unn ads par click karte hai (Google se iske bare me koi aadhikarik aankade nahi hain, lekin aam taur par aisa bola jata hai hai ki 1% se 2% CTR kafi acha hota hai).

Ab ye CTR kya hai? CTR(Click Through Rate) matlab aapke site par aane wale visitors me se kitne percent log click karte hai.

Yaha humne dekha ki 1%- 2% CTR, matlab agar aapke website par 1000 visitors aate hai, to unme se 10-20 log hee click karte hai.

Jyadatar, ek click aapko $1 se bhi kam paise dilata hai. ab aap khud bhi ye calculate kar sakte hai ki, aapko ek amount kamani hai blog se to aapko kitna traffic chahiye hoga.

Isliye, yadi aap adsense ke sath paisa kamana chahte hain, to aapke paas badi matra mein traifik hona chaahiye.

Iske liye bahut sara kaam karna hoga aur sath me bahut sara unique aur quality content banana hoga.

Isliye aapko website banane se pehle aapko ye sochna hoga ki, aap kis topic par acche se aur unique likh sakte hai, aisa content jo pehle kahi na ho.

Agar aapke paas aisa koi topic ya Niche hai, jisme aap kitna bhi bade aaram se quality content likh sakte hai, aur logo ke bahut sare sawalon ke jawab de sakte hai to aap ko uss topic me apna blog shuru karna chahiye.

Jitna jyada log aayenge, jitna ve engage rahenge aap utna adhik paisa kama sakte hai adsense se.

Agar aap10-pages ki website ke sath $1000/month banane ki umeed kar rahe honge to aapki yeh bhool hai.

Agar aapko adsense ke sath kaam karna hai, uske sath acha paisa Kamana hai, to aapko kam se kam 20-30 pages ka content banana chahiye, tab jake aapko adsense ke liye aapko apply karna chahiye.

Naye bloggers apne blog par adsense se ad chalane ke liye kafi excited rehte hai, taki ve jaldi se paise kama sake.

Par aap jab naye hote ho, to aapke site par traffic kam rehta hai, aur utna content bhi nahi hota jo visitors ko jyada samay ke liye aapke site par banaye rakhe.

Isliye pehle paise kamane ke bare me na soche. Pehle apne blog par acche se dhyan dena hoga, badi matra me traffic ko lana hoga.

Aapke paas traffic nahi hoga, content nahi hoga to aapke adsense ka kuch bhi fayda nahi, aap kuch nahi kama sakenge.

Yaha par ek baat aap sochna, aapke paas 1000 visitors hai monthly, apka CTR hai 1%(itne log click karenge) matlab 10 log sirf click karenge.

Agar aapko 1click ka $1 milta hai( ye bhi bahut mushkil hota hai CPC $1 milna). To 10 click ke liye $10 milenge matlab 700-750 rs.

To aap ab mujhe batao kya aap blog isliye shuru kar rahe, taki aap sirf 700rs kama sake ek mahine me.

Nahi na, to Isliye shuru me paise ke bare me sochna thoda dur rakhiye, aur apne blog par, content par, traffic ko badhane par dhyan de.

Aap online paise kamane ke liye blog shuru kar rahe ho, to aapko batadu, blog se paise kamane ke liye sirf adsense hee nahi hota hai. aap kayi alag alag tarikon se paise kama sakte hai.

Jaise affiliate marketing, guest post, sponsored post, ya kisi aur ad network ke sath bhi aap kaam kar sakte hai.

Apne blog se paise kamane ke bahot mauke milenge, par aap pehle aapna blog to uske liye tayyar kare.

Aap kis bhi tarike se paise kamana chahte hai, to uske liye pehle jyada traffic aur accha content chahiye hota hai.  

Google Adsense kya hai: Conclusion

Sankshep mein, aap google adsense ke saath bahut achhe paise kama sakte hain, lekin ye aisa program nahi hai jaha aap jaldi se ameer ban sakte hain.

Aapko high aur stable income ke liye kuch common rules ko follow karna hai:

  • Aise topic par likhna hai, jisme aap likhna pasand karte ho, aur aap ko uske bare me acche se jankari ho.
  • Logo ke problems solve kare aise unique aur relevant content ko regular basis par banana hai, taki google ko apke website ke bare pata chal sake ki, aap regular aur unique content publish karte hai, jo logo ko apke site par layega.
  • Kisi bhi tarah ke “krutrim” click ke saath google ko dhokha dene ki koshish na kare. Aapke friends aur family members ko ads par click karne liye kabhi na bole.
  • Ek aise Profitable Niche ko khoje jiska CPC high ho aur uske bare me jyada searches aate hai. aur fir uss niche se jude sabhi topics ko acche se aur unique tarike se apne blog par publish kare.

Ye sab baate aapko bahut adhik traffic prapt karane aur adsense ke sath apne blog ko monetize karane mein madad karega.

Apne WordPress blog me Google Adsense kaise lagaye? iske baare me dekhna chahte hai, aap mere iss pichle article me dekh sakte hai.

Ummed hai aapko ye “ Google adsense kya hai? aur kaise kaam karta hai? ” article pasand aaya hoga. Kuch na kuch naya sikhne ko mila hoga.

Iss article ko baki logon tak jaroor share kare. Baki logo tak bhi ye jankari jani chahiye. unko bhi maloom hona chahiye ye google adsense kya hai?

Sharing is Caring!!!

Thanks!!!

digitalnikshttps://digitalniks.com
Hey, Welcome to Digital Niks. I'm Nikhil, founder of Digital Niks. A Professional Blogger, Affiliate Marketer, & A Entrepreneur. I create this blog to help new Bloggers and Digital Marketers, who are still struggling to start a Blog and Earn Money Online.
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

DMCA.com Protection Status