HomeGeneral KnowledgePodcast Kya Hai? What is Podcast in Hindi? Complete Guide For 2021

Podcast Kya Hai? What is Podcast in Hindi? Complete Guide For 2021

Aaj Content marketing me Audio content kafi tezi se grow ho raha hai. Aaj 32% Americans monthly podcast sunte hain.

Par aap yaha soch rahe honge ki, podcast kya hai? what is podcast in Hindi? podcast kaise start karte hai? podcast se kaise paise kamaye?

Podcast stats ke anusar, America me jitne bhi 12 saal umar ke upar ke customers hai, unme se 51% log podcast sunte hai. aur ye numbers har saal badhte ja rahe hai.

Aapka koi business ho, ya aap koi product ya service dete ho, aapke liye podcast ek accha tarika ban sakta hai, aapke targeted customers ke sath acche connection banane ke liye.

Ve log aapko sun rahe hote hai, jaise aap unke samne baith kar unse baat kar rahe hai. uss wajah se aapka connection jitna behtar hota hai, utna aap aapke written content ke sath bhi waisa nahi bana sakte.

Yaha par apke customers ko apke product me, apke brand me engage rakhne ke liye aap alag alag tarike bhi istemal kar sakte hai, usse aap ko fayda hee hota hai.

Agar aap abhi naye ho kisi bhi field me, to bhi podcasting me aap scratch se apni ek reputation bana sakte hai, aur apne field me apni ek aham jagah bana sakte hai, aap yaha pe apni expertise dikha sakte hai.   

Aur yaha se aap apne traffic ko aapke kisi online store par bhi bhej sakte hai, podcast ke directories me apna ek backlink deke, aur uske sath aapke blog par bhi bhej sakte hai, last me apne blog ke bare me batakar.

Agar aap ab tak soch rahe hain, par ye podcast kya hai? to chaliye ab hum dekhte hai,

what is podcast in hindi?

‘Podcast kisi ek specific topic par kiya gaya Audio Discussion/conversation hota hai, jaise business ke bare me ya travelling ke bare me ya koi bhi dusre vishay ho sakte hai, jo isme suna ja sakta hai’.

Podcast Meaning in Marathi:

‘पॉडकास्ट किंवा पॉडकास्टिंग म्हणजे एक रेडिओ शो. जो इंटरनेट वर चालवला जातो. ह्याला इंटरनेट रेडिओ देखील म्हटले जाते.

पॉडकास्ट हा एका रेडिओ शो सारखाच असतो. फक्त इथे आपण आपल्या इच्छेनुसार कोणतेही पॉडकास्ट ऐकू शकतो. ह्यावर सर्वस्व आपलं नियत्रंण असते.

पॉडकास्ट हा एक प्लॅटफॉर्म आहे जिथे आपण आपल्या आवाजात Audio रेकॉर्ड करून कोणत्याही पॉडकास्ट अँप वर किंवा वेबसाईट वर अपलोड करू शकतो.

पॉडकास्ट अँप वर ऑडियो एपिसोड किंवा कार्यक्रम ची एक मालिका (series) असते. ज्यामध्ये कोणत्याही एका विषयाबद्दल संपूर्ण माहिती ऑडियो रुपात रेकॉर्ड करून दिलेली असते. ह्यासाठी तुम्हाला फक्त इंटरनेट ची गरज असते.

हल्ली इंटरनेट वर अनेक प्रकारच्या पॉडकास्ट वेबसाइट आणि Apps उपलब्ध आहेत. ज्याचा वापर करून तुम्ही फ्री मध्ये पॉडकास्ट ऐकू शकता. तसेच ऑडियो पॉडकास्ट सोबत व्हिडिओ पॉडकास्ट सुद्धा जास्त प्रमाणात ऐकले जाते’.

Podcast meaning in Tamil:

போட்காஸ்ட் என்பது டிஜிட்டல் ஆடியோ கோப்பாகும், இது இணையத்தில் கிடைக்கும், வழக்கமாக கணினி அல்லது மொபைல் சாதனத்திற்கான பதிவிறக்கங்களின் தொடர், தானாகவே சந்தாதாரர்களைப் பெறும் புதிய அத்தியாயங்கள்.

Podcast meaning in Bengali:

পডকাস্ট হল একটি ডিজিটাল অডিও ফাইল, যা ইন্টারনেটে পাওয়া যায়, সাধারণত কম্পিউটার বা মোবাইল ডিভাইসের জন্য ডাউনলোডের একটি সিরিজ, নতুন পর্ব যা স্বয়ংক্রিয়ভাবে গ্রাহক গ্রহণ করে।

Podcast meaning in Kannada:

ಪಾಡ್‌ಕ್ಯಾಸ್ಟ್ ಎನ್ನುವುದು ಡಿಜಿಟಲ್ ಆಡಿಯೋ ಫೈಲ್ ಆಗಿದ್ದು, ಅಂತರ್ಜಾಲದಲ್ಲಿ ಲಭ್ಯವಿರುತ್ತದೆ, ಇದು ಸಾಮಾನ್ಯವಾಗಿ ಕಂಪ್ಯೂಟರ್ ಅಥವಾ ಮೊಬೈಲ್ ಸಾಧನಕ್ಕಾಗಿ ಡೌನ್‌ಲೋಡ್‌ಗಳ ಸರಣಿಯಾಗಿದೆ, ಹೊಸ ಎಪಿಸೋಡ್‌ಗಳು ಸ್ವಯಂಚಾಲಿತವಾಗಿ ಚಂದಾದಾರರನ್ನು ಸ್ವೀಕರಿಸುತ್ತದೆ.

To aapne dekha ki alag alag languages mein podcast ko kaise bola jata hai.

Podcast aksar itunes aur spotify par paye jate hai, lekin kabhi-kabhi websites par bhi host kiye jate hai.

Ye ek aisa madhyam hota hai, jisme aap apne audience ko roj inspire kar sakte hai, roj naye naye topic par bata sakte hai. roj naye naye log aapke sath jod sakte hai.

Podcast shuru karne ke liye aapko jyada paise bhi nahi lagte, aur aapko kisi bhi technical knowledge ki bhi jarurat nahi hoti.

Iss guide me aap sikh jayenge ki, kaise apna podcast chalu karna hai, aapka koi online store ho ya blog ho apko podcast kyu chahiye hota hai, podcast ke alag alag prakar kya hote hai, aur apko ek podcast ko shuru karne ke liye konse equipments chahiye honge.

Agar aap soch rahe hai ki, podcast kaise shuru kiya jaye, podcast kaise record kiya jaye, ya aap podcast tips ki talash kar rahe hain, to ye article aapke liye hai.

Podcast Kya Hai?

Podcast Internet par Audio prasaran ka ek roop hai. Isse kahi par bhi jate samay ya apka koi bhi kaam karte huye bhi chalte-phirte suna ja sakta hai.

Ye ek aisa content medium hai, jisme aapko targeted audience ke bare me jyada sochna nahi pdta, jasie aapko video publish karte samay ya blog post ke liye karna pdta hai.

Aaj podcasting ki bahut badi maang hai. aur ye har saal podcast sunne walo ki sankhya badhti ja rahi hai.

Ek research se ye bhi pata chalta hai ki, jo log niyamit roop se podcast sunate hain, ve har hafte lagbhag 5 ghante se adhik podcast sunte hain.

Podcast par jaise-jaise log badhte jayenge, waise-waise adhik business owners apne podcast shuru kar denge, aur uss bade audience ko capture karna shuru kar denge.

Isaliye, yadi aap soch rahe hai ki podcast kaise shuru kiya jaye, to aapko sabse pehle ye tay karne ki aavashyakta hogi ki, aap kis prakar ka podcast banayenge.

Podcast ke Prakar

1. Interview Podcast

Ye podcast ka ek aisa prakar hai, jisme ek ya do log apne alag-alag guests ka interview lete hai.

Ye ek popular podcast type hai, aur isme aapko jyada kuch kaam bhi nahi karna hota.

Iski tayyari mein aam taur par aapne guests ka shodh karna padta hai, aur unse puche jane wale sawalon ki ek list banani padti hai.

Beshak, aapko iss podcast prakar ko shuru karne ke liye kuchh soft skills ki aavshyakata hogi, jaise apne guests ko podcast me aane ke liye manana, apke paas acche interview skills hone chahiye, aur sabse aham baat aapko apne podcast ke episodes regular banane honge.

Iss prakar ke podcast kafi popular hote hai, agar aap acche guest late hai, apne audience ke liye kuch nayi bate late hai, to apko audience ke taraf se bhi accha response aana shuru ho jata hai.

2. Solo Podcast

Yadi aap soch rahe hain ki podcast kya hai? aur kaise shuru kiya jaye, to ye podcast prakar aapke liye sabse acha sabit ho sakta hai.

Inn podcast ko aam taur par ekal ke roop mein prastut kiya jata hai, jisme ek hee vyakti (aap) show chalata hai.

Solo podcast ke liye aap option-based, news-related, question-answer, ya kisi aur style ke content ko bana sakte hai, jise ek vyakti dwara pesh kiya ja sakta hai.

Takniki drushtikon se dekha jaye to, iss prakar ka podcast shuru karna sabse aasan ho sakta hai, kyunki isme aap ko jo kuchh bhi chahiye hota hai vo hai, aapki aawaz, aapka podcast recond karne ka technique, aur kis topic par aap bolna chahte hai uske bare me jankari.

Aise bahut sare digital marketers hai jo apna solo podcast chalate hai, usme aapko wo inspiration dete hai, online business ke bare me nayi nayi bate batate hai, apne online business me kaise grow karna hai uspar tips aur tricks batate hai.

3. Multi-Host Podcast/ Do aur Jyada Host

Ye podcasting ka ek aisa prakar hota hai, jisme do ya usse jyada host dwara chalaya jata hai. Agar apka koi business hai, aur usme aapke kuch partners hai, jiske liye aap podcast ke bare me soch rahe hai.

Yadi aap dekh rahe hai ki, apne business ke liye podcast kya hai? aur apne partners ke sath kaise podcast shuru kar sakte hai, to ye podcast prakaar apke liye hai.

Iss prakar ke podcast par kisi bhi ek topic par hosts apne apne opinion det hai, uss topic par acchi baate kya, kharab bate kya hai, uske bare me bolte hai. a

Aur jin logo ko aisi opinion se judi baate ya debates acche lagte hai, ve log aapke iss prakar ke podcast par jyada aakarshit hote hai.

Beshak, aapko inme se kisi bhi ek prakar mein hee khud ko seemit nahi karna hai. aap alag alag styles ko ek me banakar pesh kar sakte hai.

log uspar kya response dete hai wo dekhne ke baad apko aage sochna chahiye. aise bhi podcast hai jisme alag alag styles ko add karke banaya gaya hai, fir bhi ve acche chal rahe hai.

Podcast Host karne ke kuch Tips

Aaj internet par dekha jaye to har roj bahut sare naye podcasts shamil ho rahe hai. aur ye dekh ke aap thoda soch rahe honge ki, aap podcast shuru karne me late ho gaye hai, ab aapko acha response nahi milega.

Lekin ek baat yaad rakhiye, aap ko abhi bhi koi deri nahi huyi hai. yadi aap ek aisa podcast shuru kar sakte hai, jo darshakon ke saath accha connection banata hai, to aap aaj bhi podcasting me success la sakte hai

Nishchit roop se, isme bada competition hai, lekin yadi aap ek planning ke sath, aur apne episodes ko acche se structured karte hai, to aap apne niche me aage ja sakte hai.

Yaha podcast host karne ke kuch tips bataye gaye hai, jo aap ko ek sahi rasta dikha sakta hai:

1. Pehle Aapke Topic ka ek Preview de

Jaise hee aap Podcast recording shuru karte hai, to shuru me aap ke aaj ke topic par ek accha sa preview dena hai. ye kuch logon ko pasand aata hai, to kisi ko nahi.

Yadi aap kisi aise topic par bolna chahte hai, jiske ek se jyada episodes ho sakte hai, to uske bare me bhi apne audience ko batana hai, taki ve log aapke podcast par aate rahe.

Aap abhi shuru kar rahe hai, to aap kisi special guest ko apne podcast par la sakte hai, aur fir wo starting me apko introduce kar sakta hai.

Ya fir logon ko wapis se apne podcast par lane ke liye, episodes ke akhir me kuch aise topics par baat kar sakte hai jisse ve log wapas aaye.

Matlab aap akhir me bol sakte hai, “ask me anything”, ya “mere se kuchh bhi puch sakte hai”, to aap ko jo bhi sawal karega wo next episode par jarur aata hai.

Par aapko unke puchhe gaye har ek sawal par bolna chahiye apne next episode me, taki logo ka bhi aap ke upar ek trust ban sakta hai.

2. Podcast ke liye jo bhi bate Ideal hoti hai usse karna chahiye

Apne podcast ki length kya honi chahiye, aur aap ko kab-kab podcast publish karna chahiye, inn sawalon par hamesha ek discussion chalu rahta hai iss podcasting ki duniya me.

Kuchh log kahte hai ki podcast ko weekly publish karna sabse achha hai. to dusre logon ka kehna hai, ek mahine mein ek episode paryapt hai.

lekin aapke podcast ke liye kya sahi hai? to aap inn tips se ye samajh sakte hai.

Podcast publish karne ke liye Ideal Frequency: Weekly

Top ke 25 podcasts me se 44% podcast har hafte ek episode publish karte hain. To kuch ek hafte me 2 episodes publish karte hai, jo popular bhi hai.

Ek episode ka Ideal length: 22 minutes

Online podcast aur Radio sites mein kaha gaya hai ki, Koi bhi listener average 22 minutes tak engaged rah sakta hai.

Podcast publish karne ke liye sabse achha din: Tuesday / Wednesday

60% podcast week ke shuru me hee apna episode ko publish karne ka schedule karte hai. podcast publish karne ka sabse lokpriy din Tuesday hota hai.

3. Interview-style Podcast ke liye taiyari kare

Isme aapko sabse badi tip yahi hogi ki, aapko uss guest ke bare me pura homework karna hoga.

Unke bare me google par search kare, unke social media profiles par jakar kuch jankari lene ki koshish kare, aur sabse badi baat, agar unhone kisi dusre podcast pe interview diya hai ya nahi ye dekhna.

Agar unke kuch baki podcast interviews ho, to aap unn sabhi ko acche se sunenge aur usme se kuch acchi bate nikal sakte hai, usse aur acche se banakar apne podcast me shamil kiya to ye apke podcast ko aur achha bana dega.

Jitna adhik samay aap guest ki expertise aur uske bare me acche se jankari ko samajhne mein lagayenge, utne hee apka podcast accha aur smooth hota hai.

Apke Podcast ke Intro/Outro ke liye Music

Podcasting ke liye shuru me aur akhir me music kaha se laaye ye humehsa ek sawal bana rehta hai. par yaha par bahut sare music sources hai, uski vajah se ye jyada mushkil nahi hota.

Music aap ke podcast ko aur accha bana deta hai, isliye acche music se shuru karne ke bhi apne fayde hote hai.

Yaha par do music sources bataye jaha se aap bahut acche music aasani se le sakte hai:

Wistia Music Collection

Wistia ek chota platform hai, par yaha music collection kafi bada hai, wo bhi bilkul free me, uske sath royalty-free music aap yaha dekh sakte hai.

Aap ko bas yaha apna ek account banana hai, aur aapko aapke email inbox me music milte jate hai.

Pond5

Pond5 me Stock images, video clips, aur music tracks ka bahot bada collection hai, aur ve sab royalty-free hote hai. yaha par 5 lakh se bhi jyada alag alag music clips ki directory hai.

Pond5 ek membership fee leta hai, unke site ko access karne ke liye, par agar aapko acche music chahiye honge to apke liye ye ek best option hai.

Inn sites ke alava, Aap fiverr par bhi aise creators dekh sakte hai, jo apko podcast ka intro/outro bana kar de sakte hai.

Podcast kaise shuru Kare

Yadi aap soch rahe hai ki podcast kaise shuru kiya jaye, to aapko pehle ye tay karna hoga ki aap vaastav mein kis topic par bolna chahte hai.

Yadi aap ka business technical se juda hua hai, to aap apna podcast bhi technical information ko dene wala ho sakta hai, yadi aapke target audience digital nomads hai, to aap international travelling ke bare me apna ek podcast shuru kar sakte hai.

Aapka topic iss baat par bhi nirbhar karega ki aap kis baare mein acche se samjte hai, uss baat me expert hai. aap logon ko acche se pura information de sakte hai.

Aapne koi topic chun liya, to usme ye dekhna hoga ki uss topic me aap jyada se jyada kitne episodes bana sakte hai.

Isliye pehle aap uss topic par 10-12 episodes ki ek list banaye. Fir uss same topic par baki logon ke podcasts ko dekhe Spotify ya itunes par.

Unn logon ki lokpriyata dekhe, jaise unke kitne followers hai social media par, unke episodes par kaise reviews aate hai, ye sab dekhna hoga, taki aapko ek idea aa jayega ki uss topic par podcast shuru karna accha hoga ya nahi.

Akhir me, aapke podcast ke liye ek format chune aur unn Ideal baton par dhyan de jaise Ideal length and Frequency jo humne upar dekha hai.

Aapke first episode ke recording se pehle aapko kuch baate samjhni hai aur uss par kaam karna hai, jaise

Podcast Cover Image: 

Sabse pehli baat jo kafi important ho sakti hai, wo hai apke podcast ki Eye-catching cover image. ek acchi cover image banane me jaroor thoda invest kare.

Apne cover image me kuch aise images aur fonts ko add kare jo aasani se dikh sake aur logon ko attract kar sake. Ye max. 2048×2048 aur min. 1400×1400 hona chahiye.

Podcast Name:

Aapke podcast ka naam hee aap ke audience ko ye samjhne me madad karega ki apka podcast kis bare me hai, aap kis topics par baat karte hai.

Udaharan ke liye ek naam le jaise, “Dropshipping Podcast- Product management ke bare me sabkuch” to yaha bahut spasht hai ki ye podcast dropshipping ke bare mein hai.

Tip: Podcast ke naam mein apne topic ko shamil kar liya to aap unn keywords par jaldi se search ho sakte hai jo log dekhte hai. Podcast naam se hee log aapke podcast ke bare me jaan jayenge.

Podcast Description:

Podcast ke tips me sabse important tip yahi hai ki, aapke topic se jude sabhi phrases aur keywords ko apne description me shamil karna chahiye.

Ye logon ko aapke content ko khojne mein madad karta hai, aisa content jisme unko ruchi hoti hai aur ve uske bare me search karte hai itunes aur Spotify me.

Yaad rakhe, spotify aur itunes ek search engine jaise hai, aur aapke podcast mein aane vale adhikansh log unn search engines me aapke topic ke bare me search karke aaye hote hai, jab aapka podcast naya hoga.

Podcast Category aur Subcategory:

Podcast ke liye kayi alag-alag category aur subcategories hoti hai. fashion se lekar business tak, aur bhi bahut saare. Aapke topic se match ho sake aise category ka chayan kare.

Agar aapko ye category chunna kathin ho raha ho, to aap baki podcasts bhi dekh sakte hai jo apke niche ke ho, aur fir aap waha dekh sakte hai, unhone kis category ko chuna hai.

Podcast Banane ke liye aur kya chahiye

1. Microphone/Mic

Podcast Record karne ke liye sabse jada jaruri hai ek achha Mic, Kyunki agar audio hee achha nahi hoga to koi hamari Podcast sunna pasand nahi karega.

Dhyan rahe ki, aap podcast aise jagah me record kare jaha baki kuch awaz na aaye. Aap jaha rahte ho, waha kafi jyada awaj hoti hai, to aap record karne ke liye kisi silent jagah dekhe, ya to aap ki jagah par hee raat me record kare, taki baki awaj na aaye.

Waise to aap Mobile ke sath jo earphone aata hai usse bhi record kar sakte hai, usse bhi thik thak record ho jata hai. par main aapko suggest karunga aap koi badhiya sa mic le aur uski madad se Podcast ko record kare.

Agar aapka jyada budget na ho, to bhi aapke paas kayi saste aur best Mic ke options hai, jaise Boya M1 Mic, jo aapko 800 rs ke andar mil jayega.

2. Audio Editor

Podcast ko record karne ke baad, recording me koi galti hui ho ya background me koi noise aa raha ho, to wo aap Audio Recording Software ka use karke uss background noise ko hata sakte hai.

Sath me aap yaha par puri tarah se audio editing kar sakte hai, jaise kuch extra music add karna.

Aapke intro/ outro me music add kar sakte hai. iske liye sabse best Software hai Audacity jo ki bilkul free software hai. 

3. Podcast Hosting Platform

Podcast ko Record karke uski editing ko complete karne ke baad, ab hame usko Host karna hai kisi Podcast Hosting Platform par.

Waise to online bahut se Podcast Hosting Platform uplabdh hai, par wo kuch charge karte hai ya pure feature nahi milte free plan me.

Iske liye aapko shuru me ek best podcasting hosting Platform hai wo hai Anchor.fm, jo bilkul free hai. aur is ki ek khas baat hai iska Mobile App.

Jisme aap directly record kar sakte hai or background music bhi add kar sakte hai.

Anchor.FM par account banane ke baad, aap badi aasani se podcast shuru kar sakte hai. uske baad aap apne Podcast ke episodes usme upload kar ke regular publish kar sakte hai.

Podcast konse Topic/Niche par banaye 

Agar aapko samajh nahi aa raha ki, kis topic/niche par podcast banaye, to aap sabse pehle ye dekhe ki aapko kis topic me interest hai ya kis topic ke bare me aap apni podcast me jankari share kar sakte hai.

Ye kuchh Topic jin par aap apni Podcast shuru kar sakte hai:

  • Technology
  • Personal
  • Motivational
  • Love story
  • Entertainment
  • News
  • Life Hacks

Aap Podcast se Paise kaise kama sakte hai

Online paise kamane ke bahut sare tarike hote hai, unme se ek podcast bhi hota hai. aap podcast par bhi alag alag tariko se paise kama sakte hai. unme kuch bataye hai,

1) Sponsors

Agar aapki Podcast ke Followers ki Sankhya jyada ho jati hai to aap ke niche ki alag alag companies khud aapse contact karegi, apne product ya service ke bare me apki podcast me baat karne ke liye. Aur uske liye aapko kuchh paise bhi milte hai.

2) Subscription

Apne Podcast episodes ko Publicly Publish karne ke bajay, aap unhe Private me bhi Publish kar sakte hai, jisme aap users ko Monthly Subscription par add kar sakte hai.

Agar aap 200 rupee per month se charge karte hai aur agar 100 logo ne bhi aapki Podcast ko join kiya matlab, 200*100= 20,000 rs aap ko milna shuru ho jata hai.

3) Branding

Podcast ki madad se aap apni brand ko build kar sakte hai, ek bar brand banne ke baad paise kamane ke kayi raste khul jate hai.

Aap ki ek personal branding banne ke baad aap aapke kisi bhi service ka charge kar sakte hai.

Aap podcast ke bare me consulting/coaching shuru kar sakte hai, aur uske liye paise charge kar sakte hai.

Abhi yaha par podcast bahot naya hai, to agar aapka usme ek naam ban jata hai, to uske bahot fayde hote jayenge.

Par abhi aap bas itna dhyan rakhiye, Paisa sirf aapko tabhi milenge jab jyada se jyada log aapki Podcast ko sunana shuru kar denge.

To main yaha aap ko yahi suggest karunga, abhi aap Paise par dhyan dene ke bajay apna ek badhiya sa Podcast banane par jyada focus kare.

Podcast Kya Hai: Conclusion

To ab aapko ye pata chal gaya hai ki, podcast kya hai? apna podcast kaise shuru karna hai?  to ab aapke topic se jude jankaari ko sametna chalu kare, aapke niche ke dusre podcasts ko sune.

Yadi aapke paas pehle se hee ek microphone hai, to aaj hee apna ek test episode record karke dekhe. Aap isme kuch bhi record kar sakte hai, podcast ke bare me, aapko jo bhi baat pasand ho uske bare me.

Aapko aise 2-3 test episodes record karna hai, fir aapko unn sabhi episodes ko sunana hai, aap khud hee janch kar sakte hai, kya galat hai, kya sahi hai.

Iske liye aap dusre podcast sune, taki aapko ek idea aata hai, kis tarah se bolna hai.

Par ye test episodes apko publish nahi karne, aap iss process ko samjho pehle. Fir to aap apke episodes publish karenge hee. Par ye process samjhna jyada important hota hai.

Akhir me, ab aap sikh chuke hai ki podcast kya hai, podcast kaise record kiya jaye, aur aap ne hamare sabhi tips ko bhi dekh liya hai.

Ab aapko keval itna karna hai ki aapko aage badhna hai aur apne episodes dvara logon tak apna knowledge share karna hai, logon ko nayi nayi bate batani hai, logon ki madad karni hai.

Hum umeed karte hai, ye article aapko pasand aaya hoga. Iss article ki madad se aap kuch naya sikhe honge.

Podcast kya hai? ye ab aapka sawal nahi raha hoga, aap isse aaj bhi chalu karne ke liye sakhsham huye hai.

Agar apko ye article pasand aaya ho, to isse baki logon tak bhi share jarur kare. Unn logon ko bhi podcast me bare me sikhne ka avsar mile jo isse samjhna chahte hai. aur mere iss kary ko aap hee aage badha sakte hai share karke.

Sharing is Caring!!

Thanks!!

digitalnikshttps://digitalniks.com
Hey, Welcome to Digital Niks. I'm Nikhil, founder of Digital Niks. A Professional Blogger, Affiliate Marketer, & A Entrepreneur. I create this blog to help new Bloggers and Digital Marketers, who are still struggling to start a Blog and Earn Money Online.
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

DMCA.com Protection Status