HomeTop 5Top 5 Best Free Keyword Research Tools (Complete Guide in Hindi for...

Top 5 Best Free Keyword Research Tools (Complete Guide in Hindi for 2021)

Apne blog ya website ka SEO karne me Keyword Research hamesha se hee sabse important bhumika ada kar raha hai. aur ye thoda complicated aur time-consuming bhi hota hai.

Par isme ek achhi baat ye hai ki aap apne keyword research ko aur acche se optimize karne ke liye ek powerful keyword research tool ka upyog kar sakte hain.

Best keyword research tool ki madad se aap na keval naye profitable keywords khoj payenge, balki puri keyword research prakriya ko automatic karenge aur samay ki bhi bahut bachat karenge.

To isliye iss article me hum dekhne wale hai, “ Top 5 Best Free keyword Research Tools in India” konse hai, unke pros-cons kya hai, aapko ve kis tarah se madad kar payenge, ye sab jankari dekhne wale hai.

Yaha par achhi (aur buri) khabar ye hai ki inn dino market me keyword research tools bahut badi matra me available hai, aur unme se kisi ek ko chunana kafi mushkil ho sakta hai.

Yahi karan hai ki maine aapke options ko Top 5 best free keyword research tools tak hee limited karne ka nirnay liya hai jo iss samay market mein pahale se hee reliable keyword research tools saabit ho chuke hain.

Aur ye free tools hai, to ye naye logon ko kafi jyada madad karenge, shuru me paid tools me paise kharch karne se accha to ye tools ke sath bhi ve log apna keyword reseach kar sakenge.

Top 5 Best Free Keyword Research Tools in India

1. Rank Tracker

Rank Tracker ek powerful keyword research tool hai jisme sabse bada keyword database maujood hai aur isme Google keyword planner, Google Search Console aur Google Analytics sahit 23 keyword research methods ko shamil kiya gaya hai.

Iss software ke AutoComplete aur Related Searches Tool ka upyog karke, aap apni keywords list ko long-tail keywords ke sath aur jyada expand kar sakte hain.

Sath me aap apne Niche ke sabse popular keywords ko collect kar sakte hain, aur search trends ke acche insights prapt kar sakte hain.

Iss tool ke Competition TF-IDF Explorer feature ki madad se, aapke Top 10 competitors ka analysis kar sakte hai aur unke jo sabse adhik profitable keywords ko aap collect kar sakte hai.

Uske sath, Rank Tracker ek Comprehensive keyword analysis tool bhi hai.

Iss tool ki madad se aap keywords ke important SEO indicators ko dekh sakenge:

  • Number of Searches
  • Keyword Difficulty
  • Competition
  • Cost Per Click
  • Keyword length

Iss tool ke Keyword Sandbox feature ki madad se aap aaram se apne keywords ko store, group, filter ya tag kar sakte hain.

Rank Tracker ka upyog keyword tracking purposes ke liye bhi kiya ja sakta hai.

Kuch users ko ye tools utna pasand nahi aata hain kyunki Rank Tracker ek Desktop-based software hai, jiske karan unko lagta hai ki yaha kam opportunities milengi.

Halanki, kayi log ise pasand karte hain kyunki ye tool badi matra mein keywords data ko collect karne mein saksham hai.

Pros:

  • 23 keyword tools aur 7 keyword research methods shamil hain.
  • Analyze karne ke liye unlimited keywords.
  • Keyword analysis ke liye bahut sare Smart SEO metrics.
  • Comfortable keyword storage aur filtering.
  • Geo-specific search results
  • Cross-platform aur multilingual software
  • Customer Support

Cons:

  • Software ka interface shuru me thoda mushkil lag sakta hai.
  • Ye sirf Desktop software me aata hai.
  • Ye software shayad naye logon ke liye suit nahi ho sakta.

2. Google Keyword Planner

Hamari list mein dusra tool hai Google keyword planner.

Ye Google ka ek free keyword research tool hai aur sath hee sath market ke sabse bade keyword database mein se ek hai.

Ye keyword research aur pay-per-click campaigns ke liye achhi tarah se kam karta hai.

Iss tool dvara pradan kiye jane vale sabhi keyword suggestion kayi upyogi parameters ke sath aate hai, jaise ki average monthly searches, competition, aur top of page bid (Low aur High range).

Beshak, yaha metrics ki sankhya bahut limited hoti hai, lekin keywords quality ki buniyadi samajh pane ke liye ye tool abhi bhi paryapt hai.

Kuch users ko iss fact ka pata chal sakta hai ki isme accurate search volume data nahi hota hai, aap yaha keval kuch anuman lagaye gaye data ko dekh sakte hain.

Halanki, yadi aap Google Ads Campaign chalate hain, to aap accurate numbers tak pahuch sakte hain.

Iske alava, Keyword Planner keyword suggestions ki sankhya ko bhi limited rakhta hai.

Yaha aap kitne keywords darj karte hai isse koi farak nahi padta (aap 3 keyword tak type kar sakte hain), keyword planner fir bhi 2000 se adhik keyword result nahi dikhayega.

Jabki baki keyword tools isse das guna adhik results dikha sakte hain kyunki ve jyada keywords prapt karne ke liye adhik databases ka upyog karte hai.

Pros:

  • Google ka apna tool.
  • Sabse bade keyword databases mein se ek.
  • Convenient filtering
  • Historical data ka access milta hai.
  • Smooth user experience.

Cons:

  • Monthly search volumes ki aspasht range.
  • Limited keyword suggestions.

3. Google Search Console

Google Search Console unn marketers ke liye sabse achhe options mein se ek hai jo keyword research tools mein paise kharch nahi karna chahte hain.

Sabse pahale aur sabse important, ye unn keywords ka ek bada source hai jinhe vastav mein search kiya ja raha hai aur unn par click kiya jata hai.

Iss tool ke bare mein bahut se users iske Performance report ko pasand karte hai, jisme exact search queries me search kiye jane wale aur google se jyada click prapt kiye hai aise aapke pages ki list hoti hai.

Sabhi queries impressions, CTR aur average position metrics ke sath aate hai.

Google Search Console mein ek aur baat achhi hai ki ye opportunity keywords (8-20 position) ko pehchan sakta hai, aur aise keywords par aap agar kuch extra work karte hai to aap apne ranking me sudhar la sakte hai.

Extra work me aap apne page ka On-page SEO aur acche se kar sakte hai, link building kar sakte hai, apne content ko update kar sakte hai.

Ek baar jab aap sabhi keyword data ko access kar lete hain, to isse dates, pages ya devices me aaram se filter kar sakte hai.

Halanki, ye tool unn logo ke liye suit nahi karega jo accurate numbers/data ko dekhna chahte hain, kyunki google search console users ko display hone vale data/stats ko limited rakhta hai aur uss stats/data ko round off karta hai.

Halanki, yadi aap adhik in-depth aur accurate keyword data ko access karna chahte hain, to Google search console ke sath me Google Analytics ko jodna ek bahut achha tarika ho sakta hai.

Pros:

  • Google ka apna tool
  • Images, websites, ya videos ke liye keyword data ko access kar sakte hai.
  • Naye users ke liye user-friendly interface.
  • Google analytics ke sath synchronization.
  • Training aur Help docs ka access milta hai.

Cons:

  • Utna Accurate Data nahi milta hai.

4. Google Trends

Google Trends ek traditional keyword research tool nahi hai, lekin iska ye matlab nahi hai ki aapko isse andekha kiya jana chahiye.

Sankshep mein bataye to, ye tool aapke dvara diye gaye search query ki popularity ko darshata hai, jo sabhi possible queries ke search volumes aur aapke query ke search volume ka anupat hota hai.

Popularity score 0 se 100 tak hota hai, jisme 100 points sabse popular keywords ko darshata hain.

Ye tool aapko kisi bhi Vishay ke Search Trends ke bare acche insights pradan karta hai. uss Vishay ke bare monthly searches me kya badlav aaye hai ye dekh sakte hai.

Keywords ko popularity se tulana karne ke alava, aap ye bhi dekh sakte hain ki kaun se search queries badh rahe hain aur apne business ke top keywords ki pehchan kar sakte hai.

Kisi nishchit grographical area mein kisi bhi topic ke search queries ki popularity ka analysis karne ka avsar bhi yaha aapko mil jata hai.

Aap iss jankari ka upyog apne business ke liye seasonality ka anuman lagane mein aur apne marketing strategy ko phir se banane mein kar sakte hai.

Iske alava, ye tool aapko competiton research ke liye upyog kiye jane vale top aur rising related keywords ko dekhne me madad karta hai.

Yaha par ek baat jaroor samjhni chahiye ki, Google Trends keval popular terms ke liye data display karta hai, jo ek samsya ho sakti hai yadi aap narrow aur specific queries ke search trends ko dekhna chahte hain.

Aur nishchit roop se, ye tool keyword analysis ke liye metrics ke mamle mein thoda pichhe rah jata hai, kyunki ye tool SEO ko dhyan mein rakhkar nahi banaya gaya hai.

Google Trends keyword research ke liye ek bahut achha aur vastav mein bahut sare features ke sath aane wala tool hai.

Halanki, ye sabse achha nahi option nahi hai, phir bhi ye sabhi best keyword research tools ke sath ek achha addition ho sakta hai.

Pros:

  • Accessibility (upyog karne ke liye account ki bhi jarurat nahi hai)
  • User-friendly
  • Informative Data Visualizations
  • Reports download kar sakte hai.

Cons:

  • Keval popular terms ke liye data milta hai.
  • Kisi bhi term ke liye vastavik search volume nahi dekh sakte.
  • Baki Google tools ke sath koi integration nahi hai.
  • Localized data nahi dekh sakte.

5. Jaaxy

Jaaxy ek online application hai jo aapke keyword research ko saral bana sakta hai aur isme aap profitable keywords ka ek pura bunch collect kar sakte hai.

Ye tool Google, Bing aur Yahoo ke data ko comprehensive keyword research ke liye apne khud ke data ke sath jodta hai.

Sabhi keywords par bahut sare SEO metrics hote hain, jo ye tool aapke liye generate karta hai, jisme Quoted search Results (QSR) bhi shamil hai, jo aapko dikhata hai ki vartman mein kitne aise websites hai, jo kisi certain search query ke liye rank karne ka prayas kar rahe hain.

Isme dhyan dene layak ek aur SEO metrics hai jo traffic aur competiton ke aadhar par kisi vishesh keyword ke liye pahale page par ranking ki sambhavna ka anuman lagata hai.

Beshak, iss tool ki sabse kharab baat ya Cons ye hai ki ye tool aapko sirf 30 search tak limited hoga aur free version me keywords ke sankhya bhi limited hoti hai aur usme aapko filerting ke options nahi milenge.

Halanki, Jaaxy abhi bhi aapke liye ek achha keyword research tool hai, khaskar yadi aap pehli baar SEO kar rahe hain.

Pros:

  • Extensive keyword data.
  • Keyword analysis aur comparison ke liye smart metrics.
  • Keyword lists.
  • Video Tutorials.
  • Kafi sahaj aur mobile-friendly interface (naye logon ke liye perfect option)
  • Customer Support

Cons:

  • Free version mein limited searches aur keywords.
  • Yaha par koi bhi Filtering option nahi hai.
  • Local or Global searches ko select karne ka koi option nahi hai.

Top 5 Best Free Keyword Research Tools in India: Conclusion

Keyword research tools aap desktop par aur online bhi upyog kar sakte hai, free me ya paise kharch karke, aur kafi easy-to-use hote hai, ye sab iss baat par nirbhar karta hai ki aap keyword research me kitna in-depth jana chahte hain, aap iss par kitna paisa kharch kar sakte hain aur aapke marketing objectives kya hain.

Aur aaj market me kayi aise powerful tools hai, jin par aapko kuch bhi paise kharch nahi karne padte ya fir unke free versions hote hai ya free trails hote hai.

Yadi aap abhi shuruvat kar rahe hain to aapke liye free keyword research tool bhi achhe ho sakte hain.

Aap ek free tool ke sath bahut acche keywords collect kar sakte hain lekin kabhi-kabhi isme bahut samay lagta hai.

Yadi aap apne business ko badhana chahate hain ya apni website ko grow karna chahte hain, to aapko apne competitors ke sath compete karne ke liye apne paise ko ek achhe premium tool par nivesh karna hoga.

Jaise SEMRush (7-day free trail) ek best paid aur premium keywords research tool hai.

Yadi aapko apna blog shuru karna hai, to aap hamare iss article (wordpress me blog kaise banaye) ko jaroor dekhe. Aur Online Paise kamane ka apna ek best tarika chalu kar sakte hai.

Umeed hai aapko ye article pasand aaya hoga, aur ab aap samajh gaye honge ki, ‘Top 5 Best Free Keyword Research tools in india’ konse hai, aur ab aap koi bhi best free keyword research tool chun sakte hai, aur free mein apne blog ke liye keyword research kar sakte hai.

Iss article se aapko kuch bhi naya sikhne ko mila ho, to iss article ko baki logo tak bhi jarur share kare, jyada se jyada logon tak jankari dene ki hamare lakshy me hamari sahayata kare.

Sharing is Caring!!

Thanks!!

digitalnikshttps://digitalniks.com
Hey, Welcome to Digital Niks. I'm Nikhil, founder of Digital Niks. A Professional Blogger, Affiliate Marketer, & A Entrepreneur. I create this blog to help new Bloggers and Digital Marketers, who are still struggling to start a Blog and Earn Money Online.
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

DMCA.com Protection Status