HomeTop 5Top 5 Best Podcast Hosting Platforms in India (Complete Guide in Hindi...

Top 5 Best Podcast Hosting Platforms in India (Complete Guide in Hindi for 2021)

Podcasting aaj ke 21 ve sadi ke liye ek modern talk radio jaise ho gaya hai. aur smartphones aur portable media players ke madad se log apna kaam karte huye bhi podcast sun sakte hai.

Podcast kya hai? kaise kaam karta hai? ye shayad aapko maloom hee hoga, agar nahi hai to mere iss pichle article ko jaroor dekhe.

Podcast chalu karne ke liye sabse jaroori hai, podcast hosting, to aaj iss article me aap dekhenge, Top 5 Best Podcast Hosting Platforms in India.  

Podcast me aapko apne topic par naye naye episodes record karne padte hai, kuch recording softwares ke madad se unko edit karna pdta hai, au fir akhir me upload karna hota hai.

Agar aap nayi shuruvat karne ja rahe hai, to shayad aapko ye shuru ke kuch dino tak mushkil bhi lag sakta hai, par samay ke sath aap isme expert ho jate ho.

Podcasting ka ek bada fayda hota hai ki, aap naye logon se judte hai, apne knowledge ko share karte hai apni awaj ke madhyam se.

Apne facebook, instagram ka sahi se istemaal kiya to aap aur jyada logon ko apne podcast par la sakte hai.  

Podcast Hosting kya hai?

Podcast Hosting me aapke podcast ko host karne ki kshamata hoti hai, fir chahe vo apka ek episode ho ya episodes ki ek lambi series ho.

Podcast hosting aapke audio content ko alag alag platforms par upload karte hai, aur aapka podcast ya show kis topic par hai, iski jankari logon tak pahuchate hai.

Aur jab log aapke podcast ko uss platform par subscribe karte hai, to unko aage aane wale episodes ki jankari automatically mil jati hai.

Podcast Hosting aapko ek practical solution pradan karte hai, jaha aap specially podcast ke liye ek website bana sakte hai, aur aapke audio content ko alag-alag social media platforms par share karke, jyada logon tak pahucha sakte hai.

Ye bhi dhyan rakhe ki audio files ki size badi ho sakti hain aur ye jaldi se aapke storage space ko khatam kar sakti hai, khaskar agar audio high quality (192kbps ya adhik) ka hai.

 

Top 5 Best Podcast Hosting Platforms in India

Apne liye ek best podcast hosting chunana aapke liye ek lamba kaam ho sakta hai.

Aaj market me podcast hosting ke kayi sare vikalp hai, sabhi apne khas features ke sath uplabdh hai, jaise free hosting ho, ya enterprise hosting.

Par aap kis prakar ka podcast content banana chahte hai, upar nirbhar hai ki aapko kis prakar ka podcast hosting chahiye hoga. to chaliye ab dekhte hai.

1. PodBean

podbean
PodBean Homepage

PodBean unlimited hosting services ke sath aata hai. aur ye services Amazon alexa, Spotify, itunes Jaise platform par vitrit kiye gaye hai.

Yaha aapko 24/7 support uplabdh hai. aur yaha aap free mein bhi shuru kar sakte hain.

Free plan me aapko basic statistics milte hai, jisme aap ye dekh sakte hai ki, aapke content par kitna traffic aata hai, aur baki kuch numbers bhi mil jate hai.

Yadi aap kuch extra analytics prapt karna chahte hain, to aapko kam se kam $9/month kharch karne honge.

PodBean ke main plans do category mein aate hai:

Unlimited Audio aur Unlimited Plus.

Unlimited Audio, jaise ki naam se pata chalta hai, aapko $9/month me unlimited audio storage pradan kiya jata hai.

Unlimited Plus Plan aapko $29/month me unlimited audio aur video storage pradan karta hai.

Dono plans ko aap Andriod aur iOS par chala sakte hai.

Vartman mein unke paas badi sankhya mein podcasters (3,10,000) hain aur ab tak 6.2 billion download kiye ja chuke hain. aur sath me unke paas 8 million se adhik episodes ka content hai.

 

2. BuzzSprout

buzzsprout
BuzzSprout Homepage

BuzzSprout mein aapko ek promotional period milta hai, jaha aap 90 dino tak free me podcast shuru kar sakte hain.

Aap yaha jo bhi podcast publish karte hai, ve sabhi Spotify, Stitcher, Google Podcast aur Amazon Alexa jaise platforms par automatically upload kiye jate hai.

Kuch baki platforms ki tarah, Busssprout aapke Audio content ko upload karna kafi aasan banata hai.

Buzzsprout aapko 4 plans pradan karta hai:

Free plan me aap prati maah 2 ghante tak upload kar sakte hai.

$12/month ke plan me aap prati maah 3 ghante tak upload kar sakte hai.

$18/month ke plan me aap prati maah 6 ghante tak upload kar sakte hai.

$24/month ke plan me aap prati maah 12 ghante tak upload kar sakte hai.

Unlimited storage, advanced stats aur free podcast import ye kuch extra features aapko paid plans me mil jate hai.

Sabhi plans me aap unlimited team members ko add kar sakte hai.

 

3. Transistor

transistor
Transistor Homepage

Transistor hosting apne private podcasting ke sath aata hai aur aap isme unlimited shows bana sakte hai.

Transistor 14-din ke free trail ke sath aata hai, taki aap apne episodes upload kar sake aur yaha ke sabhi features ko dekh sake aur fir apna decision le sake ki isme aapko apna podcast banana hai ya nahi.

Iska pricing structure monthly downloads par aadharit hai.

Aap apne account me kitne shows banate hai, kitne download kiye jate hai iss baat par costing decide kiya hai hai:

Starter: $19/maah ke liye prati maah 10,000 downloads

Professional – $49/maah ke liye prati maah 50,000 downloads

Business – $99/maah ke liye prati maah 100,000 downloads

Starter Plan 2 users ko support karta hai, to Professional me 5 users ko support karta hai, aur Business plan 10 users ko support karta hai.

Business unn teen plans mein sabse jyada advanced hai jaha har ek podcast ke liye 1,000 subscribers tak anumati deta hai.

Transistor Private Podcasting bhi pradan karta hai, jo aapke auidence ko engage rakhate huye aapke podcast ko monetize karne ka ek prabhavi tarika hai.

Isme Premium content ko offer kiya jata hai, jiske liye real followers aapko paise bhi dete hai, aur members-only karke bhi content offer kiya jata hai.

Private show chalana kafi aasan hai, jaha aap apne audience ko invite karte hain aur baki ye khud sambhal leta hai.

 

4. Captivate

captivate
Captivate Homepage

Captivate ko ek growth-oriented podcasting site ke roop mein advertise kiya gaya hai.

Aap mobile se kam karte hai ya laptop se, isse koi farak nahi padta, iska layout automatically device ke anusar adjust ho jata hai.

Isme aapko built-in call-to-action ke features milta hai, jiski madad se visitors subscribe kar sakte hai, aap apni email list bana sakte hai aur iski madad se apne kisi products ko bhi bech sakte hai.

Isme aap jo bhi theme chunte hai, uske hisab se customization bhi automatically ho jata hai.

Captivate 3 plans pradan karta hain:

Podcaster – $19/maah ke liye prati maah 12,000 downloads

Audio Influencers – $49/maah ke liye prati maah 60,000 downloads

Podcast Brand – $99/maah ke lie prati maah 150,000 downloads

Yadi aap shuru me paise kharch nahi karna chahte, to Captivate aapko 7-din ka free-trail bhi pradan karta hai, jaha aap iske sabhi features ko dekh sakte hai. fir aage ka decision le sakte hai.

 

5. BluBrry

blubrry
BluBrry Homepage

BluBrry ek strong content delivery network ke sath ek aur podcasting platform hai.

Blubrry aapko chunne ke liye 5 subscription plans pradan karta hai, jo shayad yaha charcha kiye gaye platforms se kayi adhik hai, kyunki jyadatar platforms 3 plans pradan karte hai.

Iske sabhi plans mein no-fault hosting ki suvidha hai, jo aapko bahut kaam aati hai aur isme aap har ek plan me diye gaye features se 25% jyada features istemal kar sakte hai, bina kisi extra costing ke.

Baki platfroms ke sabhi plans me aapko ek fix bandwidth milti hai, aur agar aap uske aage jakar istemal karna chahte hai, to aapko plan ko upgrade karna padta hai.

Blubrry me aapko kayi key features mil jate hai, Jaise alag-alag delivery platforms (google podcast aur iTunes) ke anusar podcast optimization, Web/FTP ke liye uploads ke options milte hai.

Aapke podcast ke liye RSS feeds milta hai, kayi professional aur advanced statistics milte hai, aur tez content delivery milta hai.

Duniya bhar mein Blubrry hosting ke 35 data centers hai.

Blubrry ke 5 Paid Subscription Plans:

Small – $10/month me aapko prati maah 100 MB storage ke saath no-fault coverage milta hain.

Medium – $20/month me aapko prati maah 250 MB storage ke saath no-fault coverage milta hain.

Large – $40/month me aapko prati maah 500 MB storage ke saath no-fault coverage milta hain.

Extra Large – $80/month me aapko prati maah 1000 MB storage ke saath no-fault coverage milta hain.

Professional – Iske price ke bare me koi jankari nahi milti hai, lekin isme aapko unlimited bandwidth milta hai. par yaha ye bol sakte hai ki, iska price change hota rahta hai, kyunki ye bade businesses ko support karne ke liye design kiya gaya hai, jo apne content ko podcast ke madhyam se push karna chahte hai.

Yadi aap blubrry ko aazmana chahate hain, to aap ise PowerPress plugin ke madhyam se install kar sakte hain aur apne podcasting content ko dikhane ke liye isse apane wordpress website par laga sakte hain.

Aapke podcast ko optimize karne ke liye SEO tool bhi aapko yaha mil jata hain aur uski madad se aap apne visitor ke liye aapke podcast ko khojne me aasan bana sakte hai.

Blubrry ek best podcast hosting ke roop me shamil hota hai, jab apne creators ko support karne ki baat aati hai.

Creators ke liye yaha kayi aise features mil jate hai jiski madad se ve ek best podcast bana sakte hai aur usme success pa sakte hai.

Hum ummed karte hai aapko ye Top 5 Best Podcast Hosting Platforms in India acche se samajh aaye honge. aur ab podcast hosting ka chunav karna aapko utna mushkil na ho.

Akhir me yahi bolna chahte hai ki, aapke budget aur aapke need ke anusar ek best podcating hosting ka chunav kare, aur apna ek successful podcast chalu kare.

Shuru me aap kisi bhi hosting ke free trail ke sath ja sakte hai, apna ek podcast chalu kar sakte, uss period me aap podcast ka ek system samjh sakte hai. kaise record karna hai, kaise upload karna aur baki kaam.

Yadi aapko apna blog shuru karna hai, to aap mere iss article (wordpress me blog kaise banaye) ko jaroor dekhe. Aur Online Paise kamane ka apna ek popular tarika chalu kar sakte hai.

Umeed hai aapko ye article pasand aaya hoga, aur ab aap samajh gaye honge ki, ‘Top 5 Best Podcast Hosting Platforms in India’ konse hai, aur ab aap apna ek podcast host chun sakte hai aur apna podcast chalu kar sakenge.

Podcast kya hai? ye kaise kaam karta hai? ye dekhna hai to mere pichle article ko jaroor dekhe.

Iss article se aapko kuch bhi naya sikhne ko mila ho, to iss article ko baki logo tak bhi jarur share kare, jyada se jyada logon tak jankari dene ki hamare lakshy me hamari sahayata kare.

Sharing is Caring!!

Thanks!!

digitalnikshttps://digitalniks.com
Hey, Welcome to Digital Niks. I'm Nikhil, founder of Digital Niks. A Professional Blogger, Affiliate Marketer, & A Entrepreneur. I create this blog to help new Bloggers and Digital Marketers, who are still struggling to start a Blog and Earn Money Online.
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

DMCA.com Protection Status