HomeTop 5Top 5 Best Stock Video Websites 2021 (In Hindi)

Top 5 Best Stock Video Websites 2021 (In Hindi)

Aaj content marketing industry mein Video content kitne tezi se grow kar raha hai, ye to sabhi ko maloom hai. aaj log text content se jyada video content ki taraf ja rahe hai.

Fir chahe vo marketing ho, ya koi jankari share karna ho, educational content ho ya entertainment karna ho, video inn sabhi jagah par apna raaj kar raha hai.

Par aaj video content mein bhi bahut bada competition ban gaya hai, aise mein yadi aap apne competitors se aage jana chahte hain, to aapko best quality videos banane honge.

Aur yaha Stock Videos aapke video ko aur behtar aur baki logon se hatkar banane mein aapki madad karte hai.

To iss article mein hum aise hee top 5 best stock video websites ke bare mein jankari lene wale hai, jaha se aap High-Quality videos download kar sakte hai, aur unko istemal karke apne best videos bana sakte hai.

Stock video footage matlab video clips ya chote chote film clips hote hain jo baki videographers dvara capture kiye hote hain aur aapke films ya videos ke liye aap unn videos ka upyog kar sakte hain.

Kuch stock video websites free hoti hai, to kuch paid hoti hai, par aapko waha par bahut badi matra mein video clips mil jate hai.

Aap video license ke aadhar par ya bina credit diye apne video content mein free ke liye inn website se clips ka upyog kar sakte hain.

To ab hum inn websites ke license ke bare jankari lete hai.

License

Internet se download kiye gaye videos ka upyog apne videos ya projects mein karte samay, inn videos ke license ki janch karna chahiye, taki aapko baad mein copyright claim ya baki problems na aaye.

Isliye aap internet aise hee koi bhi video download nahi karna chahiye aur ise apne video mein bhi upyog nahi karna chahiye, agar aapko koi problem nahi chahiye to.

Ab hum 3 types ke license dekhte hai, aur unn license ki videos aap kaise istemal kar sakte hai ye dekhte hain:

  1. Royalty Free

Ye sabse common license hai. iss licence ki videos aap video creator ko credit diye bina free mein upyog kar sakte hai.

Jab tak aap inn clips ko kisi bhi tarah se edit karte hain, tab tak aap inn clips ko publish kar sakte hain – jaise ki music, titles, ya apne business logo ko jodna ho.

  1. Video Attribution

Iss license ke videos bhi aap free mein upyog kar sakte hai, lekin aapko inn video ke original creator ko credit dena hoga.

Creator ko thik se credit dene ke tarike ke bare mein adhik jankari lene ke liye, aap inn websites ke “How do I credit the author/creator?”  section ko dekh sakte hai.

Aap apne video mein creator ke bare mein bata sakte hai ya video ke description mein creator ke bare mein likh sakte hain.

Royalty free license ki tarah, aap inn videos ko unke original form mein redistribute nahi kar sakte, par aap unko edit karke ye kaam kar sakte hain.

  1. The Creative Commons 3.0 Unported

Ye license type Video Attribution license ke saman hee hai, lekin aap inke clips ko uske original, unedited form mein distribute kar sakte hain.

Halanki, aapko inke clips ko uske original form mein bechne ki anumati nahi hai.

Aap inn clips ko jaha bhi upyog karte hain ya distribute karte hai, vaha aapko original creator ko bhi credit dena hoga.

Aap inn clips ko commercial use ke liye bhi upyog kar sakte hain, lekin ye jaroor dekhe ki unn clips mein koi bada brand, person ya private property na ho, agar ho to aapko unse pehle permission leni hogi.

Top 5 Best Stock Video Websites

1. Pixabay

Best for: Kisi bhi person le liye jo free stock video ki talash mein hai!

Pixabay mein 1.9 million se adhik royalty-free stock videos aur Stock Images hain jo unke creators community dvara share kiye gaye hain.

Inka sabse best part kya hai maloom hai? aapke yaha se kisi bhi video ko chun sakte hai, bina iske license ko dekhe bhi, fir bhi yaha se aap par koi copyright claim kabhi nahi aayega.

Aisa isliye hai kyunki unke sabhi free stock video Creative Commons Zero(CC0) ke under jari kiye gaye hain.

Iska matlab hai ki aapko video clip ka upyog karne ya usko modify karne ke liye creator ko credit dene ki bhi avashyakta nahi hai.

Halanki, ye abhi bhi best practice mana jata hai ki, jab bhi sambhav ho creator ko credit dena chahiye.

Pixabay ke free stock videos MP4 ke roop mein format kiye gaye hai aur aam taur par lagbhag ek minute ke clips hote hai.

Aap digital aur print mediums mein commercial aur non-commercial upyog karne ke liye apne pasand ke resolution mein video clips download kar sakte hain.

Sath mein, inki library mein motion graphics, HD Footage aur 4k videos shamil hain.

Yaha har ek occasion ya jarurat ke liye free stock video hain – Nature ya space se lekar events ya business ki sthapna tak.

2. Videvo

Best for: Jo log unique video clips khoj rahe hain aur jinhe 4k Videos ki jarurat nahi hai.

Videvo apne community dvara banaye gaye free stock videos aur motion graphics ko pradan karta hai.

Iski video library kafi vishal hai aur isme bahut sare HD stock videos aur 4k video clips ka ek small collection hai.

Videvo par free stock video clips ki quality bhinn hoti hai: kuch clips bahut jyada professional hote hain aur to baki clips ko kisi bhi prakar ke tripod ke bina shoot kiya gaya hai.

Kuch clips MP4  format mein hote hai aur to baki quicktime format mein pradan kiye jate hain.

3. Pexels

Best for: Free stock videos aur mockup green screen videos ki khoj karne wale logon ke liye best hai.

Pexels ne ek Free stock Image website ke roop mein launch kiya tha, lekin iske baad free stock video ki ek badi library jodi gayi hai.

Unka free stock video collection Creative Commons Zero (CC0) ke under aata hai.

Isliye aap vyaktigat roop se ya commercial use ke liye aur bina creator ko credit diye bhi video ka upyog aur unko edit kar sakte hain.

Inke adhikansh videos ek minute se kam ke hote hain aur unme sabhi prakar ke niche ki clips ka ek bada collection hota hai.

Time-lapse videos vishesh roop se aajkal achha chal rahe hain, aur yaha GoPro-users se bahut sare best clips hain.

Iske alava, pexels bahut sare “mockup” stock video bhi pradan karta hai.

Inme se kayi clips mein green screen features shamil hain, aur aap Chroma keying techique ka upyog karke green screen ko badal sakte hai.

Yaha Free stock videos ki quality mixed hai. iss website par bahut sare 4k video aate hain, to adhikansh achhe footage HD mein mp4 video ke roop mein diye jate hain.

Videvo ki tarah, Pexels mein bhi Shutterstock jaise dusre website ke stock video ka vigyapan shamil hain. ye aam taur par video page ke sidebar mein paye ja sakte hain.

Ek bonus ke roop mein, Pexels ke paas stock images ki bhi ek badi library hai.

4. Videezy

Best For: Jinko bhi Aerial footage aur nature se jude clips chahiye unke liye ye ek best place hain.

Videezy ek aur free stock video website hain, jaha par badi matra mein HD aur 4k resolution ke video clips pradan kiye jate hai. uske sath, ye website Aerial Drone footage ke liye bhi bahut badhiya hai.

Iss website ke sabhi clips MP4 format mein diye gaye hain aur aap yaha sabhi videos ke resolution ki janch kar sakte hain.

Videezy ke sabhi videos free nahi hain, lekin fir bhi personal aur commercial use karne ke liye free stock video clips ka ek bada collection hai.

Yaha par Premium clips ka antar batana bhi aasan hai, kyunki premium clip mein unke thumbnails par Green color ka “Pro” tag hota hai.

Yadi aap Videezy se free stock video ka upyog karte hain, to aapko inn do mein se kisi ek tarike se attribution dene ki jaroorat hoti hai.

Iske pahle tarike mein yadi aap TV, youtube ya kisi aur broadcasting channel par yaha ke video clips ko shamil karna chahte hain, to aapko video credit mein “videezy.com” ko shamil karna hoga.

Aur dusre tarike mein yadi aap apni website par video clips ka upyog karna chahte hain, to aapko apne webpage mein iss code shamil karna hoga:

<a href=http://www.videezy.com/>B Roll provided by videezy.com </a>

Iske sath aap bina kisi credit/attribution ke video clips ka upyog karne ke liye Videezy ke premium member ban sakte hai.

5. Life of Vids

Best For: Marketing ke liye high-quality free stock videos ki talash karne wale Businesses ya person ke liye best hai.

Life of Vids free stock video, clips aur loops pradan karta hai.

Ye website Canada ki Marketing Agency Leeroy dvara chalayi jati hai.

Iss website mein free stock video ki ek lambi list nahi hai, lekin jitney bhi free videos hain ve sabhi high-quality wale hain.

Yaha ke sabhi video clips attribution ke sath personal aur commercial use ke liye free hote hain.

Halanki, baki platforms par video redistribution 10 stock video tak limited hai.

Iss website ke sabhi videos MP4 format mein HD file ke sath uplabdh hain.

Aap food, nature, peoples, offices, drone aur kayi adhik prakar ke footage download kar sakte hain, aur aap apne pasand ke anusar video resolution chun sakte hai.

Yaha par naye videos niyamit roop se jode jate hain, aur yaha aapko free stock images ka bhi accha collection milta hai.

Top 5 Best Stock Video Websites: Conclusion

Upar diye sabhi websites bahut acche hai, aur unn websites mein kisi bhi Niche par free stock video pa sakte hain.

Aise free stock videos ka upyog karte samay, apni legal side safe rakhne ke liye hamesha unn videos aur websites ke license ki janch jarur kar le, taki baad mein koi issue na ho.

Umeed hai aapko ye article pasand aaya hoga, aur ab aap samajh gaye honge ki, ‘Top 5 Best Stock Video Websites’ konse hai, aur ab aap apne video content ke liye free mein videos download kar sakenge.

Yadi aapko apna blog shuru karna hai, to aap mere iss article (wordpress me blog kaise banaye) ko jaroor dekhe. Aur Online Paise kamane ka apna ek popular tarika chalu kar sakte hai.

Iss article se aapko kuch bhi naya sikhne ko mila ho, aur pasand aaya ho to iss article ko baki logo tak bhi jarur share kare, jyada se jyada logon tak jankari dene ki hamare lakshy me hamari sahayata kare.

Sharing is Caring!!

Aap ye articles bhi dekh sakte hai:

  1. Advanced SEO Tips in Hindi

Thanks!!

digitalnikshttps://digitalniks.com
Hey, Welcome to Digital Niks. I'm Nikhil, founder of Digital Niks. A Professional Blogger, Affiliate Marketer, & A Entrepreneur. I create this blog to help new Bloggers and Digital Marketers, who are still struggling to start a Blog and Earn Money Online.
RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

DMCA.com Protection Status